تحدثت الفنانة انتصار عن سعادتها الشديدة، بتقديم برنامج "من غير نفسنة" مع كل من الفنانة بدرية طلبة ونوليا، على شاشة "هي".
وقالت انتصار: "أنا مبحبش التكرار، وبحب أنوع في أدواري، وكل جوائزي اللي أخدتها في عمري التمثيلي، وإن شاء الله يبقى مديد ومديد ومبكررش أدواري ودائمًا كاسرة التابوهات بتاعت التكرار، وأنا دلوقت بكرر نفسي ساعات في حاجات بتلزق مبتطلعش وبتجري في دمك، من كتر ما بقت في حضني وبقت لزقة زي البرنامج ده.
واستكملت انتصار حديثها: عدوك أبن كارك اللي بيعمل لطيف، وبيعمل بيضحك دايمًا وبيجبلك فطار معاكي الصبح ويقولك اللبس ده هياكل منك حتة تاخدي الخاتم ده تلبسيه وبعد أول مطب صغير ينكشف، اعرفوا الناس من كلامهم، ومش أي حد تقول صاحبك وتدخله بيتك، متقعدش تهزر على عيوبي وتتصيد لأخطائي.
برنامج "من غير نفسنة" تقدمه كل من الفنانة انتصار وبدرية طلبة ونوليا، يعرض يوميًا من السبت إلى الثلاثاء على شاشة "هي"، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.
اقرأ أيضا | خالد الغندور: كان في قصة حب بيني وبين الفنانة انتصار من أيام كاظم الساهر
