انا مش مبسوط واديني عايش
وانا مش مبسوط
بتعدي..... وثوانيها..... تقيله
مش عايزه تفوت
وكأني ..عاصيها ..معنداني
مش سمعالي صوت
خدعاني ومنها... انا بعاني
وخداني لتابوت
.........وانا مش مبسوط
وخداني.. بحورها.... الغداره
وبلعني الحوت
ودموعي... بتسيل علي خدي
ومفيش لشموع
وشجرتي ..نشفت. من بدري
ولا ليها فروع
وازرع الزرعه .وابات واصحي
ألاقيه محروت
.......أنا مش مبسوط
وانا عايش بس يدوب عايش
وبكام سحتوت
بايت ..وانا... بدعي للبيضه
تفقس كتكوت
ما فضلي.... بس... من ستره
غير ورقه توت
ليه تبقي.... قلوبكم نسياني
ولا فيها محطوط
.........وانا مش مبسوط
وانا شايف الغدر ف عنيكم
وعايش مسخوط
وكبلتو ...الكف... مع... كفي
وبقيت مربوط
طب قولي ليه اكون عايش
واكون منعوت
يلي انتو ..كاتمين علي نفسي
ومانعين للصوت
..............انا مش مبسوط
لا انا عارف اعيش يوم سمكه
ولا يوم قرموط
وكتبتو .. الظلم علي ضهري
وبكام نبوت
وكلامكم ...كل حروفه اسوه
وديما مشخوط
طب قولي ازاي اعيش فرحه
واكون مبسوط ........
انا تاهت... نفسي.. ومن نفسي
وبقيت موروط
انا ...ده ولا يمكن اكون بحلم
ولا انا مخووت
نفسي ارجع ..طفل.. يوم تاني
واشوف بطوط
ولا اعيش دلوقتي تاني بينكم
وانا مش مبسوط..!!...؟؟
