كشف الفنان دياب عن مشكلة يعاني منها خلال فترة نومة ،وقال دياب خلال لقائه ببرنامج “صاحبة السعادة” الذي تقدمه الإعلامية إسعاد يونس بقناة “دي إم سي”: "أنا برفس وأنا نايم ومراتي مظلومة معايا ظلم مش طبيعي وأنا ما ينفعش أنام في السرير محتاج أنام في الإستاد".
وأضاف: "أكتر إصابة اديتها لمراتي هاجر الإبياري بسبب مشكلة الرفس، كانت الكوع، أنا ببقى نايم مش عارف بعمل إيه وألاقيها منهارة وهي مغمى عليها وبتعيط من الصبح للظهر وما ببقاش عارفة أنا بعمل إيه بس دي مشكلتي".
أقرأ أيضا دياب يكشف مفاجأة بشأن أغنية غمازات.. «كانت صدفة»
ولفت: "أنا فيه حاجات بتعصبني في بعض المواقف وأنا صاحي وبكتمها جوايا علشان ما أزعلش حد وبيصعب عليَّ أضايق حد ولو دقيقة وعلشان كدا بطلع العصبية دي بالرفس خلال النوم".
وتابع : "أنا خايف أقتل مراتي قتل خطأ وأنا نايم بسبب الرفس، ومحتاج عالم يفسر لي المشكلة دي، أنا ساعات بضرب وأشتم وأنا نايم وهي بتفضل تسألني مين الناس اللي كنت بتشتمهم دول أقول لها دول أصحاب المواقف اللى عصبتني".
