قال الدكتور هاني تمام، أستاذ الفقه بجامعة الأزهر، إن الحج رحلة تدرب على تغيير منهج الحياة، مضيفاً: "بلاش واحنا فى الحج يبقى فى جدال ومناوشات وخصام، وده خد السرير بتاعى وده الأكل مش كويس".
وتابع أستاذ الفقه بجامعة الأزهر، خلال حلقة برنامج "البيت"، المذاع على فضائية "الناس"، اليوم الأربعاء: "إحنا رايحين إلى الله، مش رحلة ولا فسحة ولا تنزه، لازم نتخلى عن كل السلوكيات الغريبة اللى بنعملها، لازم نغير من تصرفاتنا إحنا رايحين إلى الله، مش راييحن لعمل سيشن تصوير أمام الكعبة أو الروضة النبوية، كل الأمور دى بتنقص من الأجر".
اقرأ أيضاً| السعودية تكمل استعدادها لخدمة ضيوف الرحمن عبر 14 منفذًا جويًا وبريًا وبحريًا
واستكمل: "الحج فى تصرفات ظاهرة وباطنة، الباطنة دى إن الحاج دايما يستشعر وجود ربنا فى قلبه، مينفعش فى المكان الطاهر المبارك ده وتبقى كثير الكلام والخصام وشاغل نفسك بالتليفون والتصوير".
وكانت الشركة المتحدة للخدمات الإعلامية، أطلقت قناة الناس في شكلها الجديد، باستعراض مجموعة برامجها وخريطتها الجديدة التي تبث على شاشتها خلال 2023.
وتبث قناة الناس عبر تردد 12054 رأسي، عدة برامج للمرأة والطفل وبرامج دينية وشبابية وثقافية وتغطي كل مجالات الحياة.
