حرصت الدكتور تهاني جعفر والدة الفنانة منى زكي، على دعم ابنتها، وحضور حوار الإعلامي محمود سعد مع ابنتها في برنامج Sold Out، الذي طُرح على منصة Watch IT.
وقالت الدكتور تهاني جعفر خلال الحلقة: دايمًا بخاف عليها لأنها بنت طول عمرها كويسة جدًا وزوجة وأم شاطرة، في كل حاجة الحقيقة ما شاء الله عليها، ما شاء الله ماشية كله مظبوط، مش بشوف غير مسلسلاتها، بتكلمني أول واحدة تسألني وممكن أقولها برافو عليكي أو لا.
وسألها الإعلامي محمود سعد: إيه أكتر شخصية قدمتها وأثرت فيكي وحبتيها، لتجيبه والدة منى زكي، قائلةً: الحقيقة لعبة نيوتن.
ريهام عبد الغفور: منى زكي «قدوتي» و أحمد زكي «أسطورة»
واستطردت منى زكي: ماما بتنقدني جامد على فكرة مش على طول بتطبطب عليا، بيبقى عندها كلام بتقوله على طول.
واستكمل محمود سعد محاورة والدة منى زكي، ليسألها: كنتِ متوقعة تبقى نجمة ومشهورة؟، لتجبيه: في مرة كنا على البحر وفيه واحدة بتشوف الودع ووقفت عشان أتفرج، وكنت لسه مخلفتهاش وقالتلي هتجيبي بنت وهتبقى مشهورة جدًا جدًا وهتلفي العالم أنتي وهي وده حصل.
جدير بالذكر أن النجمة منى زكي استطاعت تحقيق نجاح كبير خلال موسم دراما رمضان 2023، بمسلسل تحت الوصاية، الذي ناقشت من خلاله قانون الوصاية على الأطفال وجسدت معاناة الأمهات مع القانون.
