انهارت الفنانة مروة عبد المنعم من البكاء على الهواء مباشرة، بعد حديثها عن الأشخاص الذين تخلوا عنها في محنتها، أثناء ابتعادها عن الفن.
وقالت مروة عبد المنعم خلال لقائها في برنامج "قعدة ستات"، المذاع على شاشة "القاهرة اليوم" وتقدمه الإعلامية مروة صبري: "كنت لسه بقول لبنتي مش عارفة أنا صرفت عليكم طول السنين اللي فاتت دي ازاي؟ بس بتمشي، محدش وقف معايا.. ربنا ده عظيم وكريم، بقعد ساعات أقول أنا بصرف السنة دي ازاي".
اقرأ أيضًا| مروة عبد المنعم: أكره عمليات التجميل .. وهذه وصفتي لكل امرأة
واستكملت مروة عبد المنعم حديثها قائلة: "أشرف زكي وقف معايا، إدوارد كان وقتها معايا، ودول اللي كانوا واقفين معايا، ومش هقول مين أتخلى عني، وفي ناس استنيت إن هما يبقوا معايا ومزعلني أوي ومش عايز أقول مين، ومكنوش صحابي أوي وعلى الأقل في بينا عشرة من الوسط الفني، ولما أقابلهم في لوكيشن بيقوليلي إيه الأخبار وبيسألوا عليا، وبقول الأسماء في الحاجة الكويسة".
وتابعت: "كنت متخيله إن تامر حسني يسأل عليا، وخاصًة كان لسه في عمر وسلمى حصله موقف في الجيش وروحتله مع إني لسه مكنتش صاحبته، والناس اللي بينا عشرة شغل فقط مسألوش عليا، إحنا مش عشرة خروج وفصتح، وتامر من الناس اللي قريبة مني، ومبعتش رسالة ولا كلمني، أحمد صفوت من الناس اللي وقفوا معايا، وأحمد زاهر وقف معايا في حاجات كتير جدًا".
برنامج "قعدة ستات" تقدمه الإعلامية مروة صبري على شاشة "القاهرة اليوم" السبت من كل أسبوع وتستضيف خلاله عددًا من نجوم الفن والمشاهير.
