قال الفنان محمد رجب:" كنت خلاص قررت السفر لليونان وتركت التمثيل وجالى مسلسل لقاء على الهوا مع حبيبتى الفنانة يسرا وكان دور ٦ حلقات وتوالت بعدها الأعمال، وأنا لا أعرف أعمل حاجة تانية غير التمثيل، ومهمل فى صحتى شويه، وبعرف أفهم الناس كويس، وصعب حد يدخل قلبى بسهولة بناء على معرفتى بيهم ".
وأضاف خلال حلوله ضيفا ببرنامج واحد من الناس مع الإعلامي عمرو الليثي على شاشة الحياة: " من السهل استفزازي جدا، ودايما بخطط لكل حاجة، وعمر ثقتى فى نفسي ما اتهزت، وعندى من الشجاعة إنى لما أغلط أقول أنا غلطان وأعتذر وقتي، وأنا شجاع ولست متهور ، كنت بصرف على الشغل لحد لما بقيت نجم، وبقى عندى قوة للنجاح بسبب الظلم" .
وأشار إلى أنه قدم مشهد فى مسلسل الزينى بركات وقال: " كنت موظف فى قطاع الإنتاج، وكان الأستاذ ممدوح الليثى رحمه الله رئيس قطاع الإنتاج وقتها، وكان مانع أى موظف يمثل في أى عمل، وأنا هموت وأمثل ولو خالفت القرار هترفد وأبويا ده كان بالنسبة له كارثة لأنه شايف مستقبلى فى الوظيفة" .
وتابع الفنان محمد رجب:" قدمت دور عسكرى درك وبعدين جابونى حارس الزينى بركات، وأعطونى جملة صعبة أوى أقولها وكل شويه الخوذة تقع من على دماغى، والمخرج يقول استوب مين ده خرجوه برا.
وتابع أنا عملت أدوار كتير بالشنب، وأعتز بشنب مسلسل الأخ الكبير .
