قال الدكتور ربيع الغفير، الأستاذ بكلية الدراسات الإسلامية والعربية بجامعة الأزهر، إنه لا يجوز أبدا استعمال ممتلكات العمل في المصالح الشخصية، مضيفا: "لو كتبت رقم تليفون خاص بك على ورقة مملوكة للشركة، لو عملت تليفونات من الشركة اللي بتشتغل بها هتتحاسب عليها يوم القيامة".
اقرأ أيضا| نائب رئيس جامعة الأزهر: الابتكار العلمي والتكنولوجي داعمًا للتنمية الوطنية
وتابع الأستاذ بكلية الدراسات الإسلامية والعربية، خلال حلقة برنامج "فتاوى الناس" المذاع على فضائية "الناس"، اليوم الأحد: "المؤسسة أو الشركة لها ممتلكات، غير مسوح لك استخدامها في أمور شخصية، حتى لو شخص شغال معاك في الشركة وأنت رئيسه وأخدته شغلته معاك في حاجة تاني، لازم تقف وتحاسب نفسك لأن ده واقع مر حذرنا منه سيدنا النبي من 1400 سنة".
وتابع: "أوعى تمشي بعدوى الفساد وتقول كل الناس بتعمل كده وتعمل حاجة تفكرها صغيرة لأن لو 100 مليون عملوا كده هتبقى كارثة كبرى، مستشهدا بالحديث النبوي الشريف، حيث قال صلى الله عليه وسلم: "ليأتين على الناس زمان، لا يبالي المرء بما أخذ المال، أمن حلال أم من حرام".
