كشفت الفنانة ميسرة عن رأيها في مصطلح السينما النظيفة مشيرة إلى أنها تهتم بالسيناريو والمشاهد إذا كانت لها ضرورة درامية أم لا، وأضافت خلال حوارها في برنامج المنسي قائلة:' فيلم المذنبون قامت الدنيا مقعدتش عليه رغم أن الفيلم كان حلو جدا ومكنش معمول عشان يجذبوا الناس، كان معمول عشان يوريكيي ازاي الممثلة دي ممثلة بعلاقتها، وكل مشهد كان موظف، فيلم ثرثرة فوق النيل كان فيه حاجات كتير لكن مكنش فيه ابتذال ولكن في مشاهد الجمهور بيتقزز منها.
أدوار الإغراء
تابعت الفنانة ميسرة: مبزعلش لما يجيلي دور إغراء، لأن لي حق الرفض أو القبول، أنا لي حق إني أقبل دور ميضايقش أي حد يتفرج عليه.
وختمت: الستات كانت بتخاف مني لأن طبيعة الشخصيات اللي عملتلها وصلتلهم أنه أنا كده في الحقيقة بس بعدها عرفوا أن ده دور وبقوا خلاص متقبلين.
