علق الإعلامي أحمد موسى، على هزيمة نادي الزمالك بهدفين مقابل لا شيء أمام فريق إنبي في الدوري الممتاز.
وقال "موسى" خلال برنامج "على مسئوليتي" والمذاع عبر قناة "صدى البلد": "يا زيزو يا جزيري؛ مفيش جون تسجلوه وأنتم بتلعبوا 96 دقيقة؛ مش قادرين تجيبوا جون لحفظ ماء الوجه؛ هل تأثر الزمالك بهزيمة الأهلي أمس؟ كان أمام الأبيض فرصة على طبق من ألماظ للفوز؛ لكنه تسبب في ليلة حزينة لجمهور الزمالك".
وتابع: "بتعملوا في جماهيركم إيه؟ هو اللاعب مش عارف إن فيه جمهور محتاج يفرحه؛ يا أخي اتغلب بس قدم كرة، واعمل جميل وخلي عندك روح؛ فين الروح والكرة؟ مفيش أي حاجة؛ لما احنا بنتكلم كدة على حال أكبر فريقين؛ إذن كيف سيكون حال منتخب مصر!".
وأوضح: "مصر لا يوجد بها لاعبين حاليًا" لافتًا إلى أن الجماهير في حاجة للفرحة بعد تقديم أنديتها آداءً سيئًا أمام الفرق المنافسة، متابعًا: "مصطفى شلبي شاط الكرة جاتلي في المدينة؛ يا أخي اعمل بقيمة العقد بتاعك وأسعدوا جمهوركم؛ للأسف مفيش كرة في الأهلي والزمالك".
وأكمل: "الشوط الأول لمباراة الزمالك وإنبي سيئ جدًا، إنبي سجل هدفًا استغل فيه سرحان دفاع الزمالك، أنا قعدت أدور على دفاع الزمالك، إنبي جاي يركز علشان يخلص الماتش ده؛ والنهاردة بقى فيه فرق مبتخافش من الزمالك أو الأهلي".
اقرأ أيضا | أحمد موسى: النهاردة بقى فيه فرق مبتخافش من الأهلي والزمالك
