حلت الفنانة إنجي المقدم ضيفة في برنامج "حبر سري" مع الإعلامية أسما إبراهيم، وتحدثت خلال اللقاء عن تفاصيل حياتها الشخصية، وعن مشوارها الفني.
أقرأ أيضا | «أحلام» تصف فنانة تبرعت بمليوني دولار لضحايا زلزال سوريا بـ«النفاق»
وجاءت أبرز تصريحاتها:
-مشوفتش أي جرأة في مشهد منى زكي في فيلم أصحاب ولا أعز، والفكرة الناس كانت مستغرباها.
- فكرة أصحاب ولا أعز خضت الناس وفي ناس بتحب تزيط في الزيطة وتهاجم وخلاص.
- بجري ورا الدور اللي يقدمني بشكل جديد ويكون في إضافة.
- أرفض تقديم الأدوار الجريئة والقبلات ومشاهد البكيني.
- جوزي في البداية كان رافض التمثيل لأن في الأول كنا خايفين من المجهول والوسط الفني وما يشاع عنه وبعدين كبرنا ونضجنا وعرفنا الحقائق.
- تعرضت للتحرش وأنا 16 سنة، وقولت لأهلي لأنها كانت صدمة كبيرة لينا كلنا وهما كانوا معايا وفي ضهري.
- فكرة الشغل على الأثر النفسي بعد تعرضي للتحرض مشتغلناش عليها، بسبب إن الأهل معندهمش التفكير دا.. لكن أهلي خدوا موقف من العمارة كلها وقتها.
- عندي طاقة عايزة تطلع على سبيل التجربة وهو مع الوقت اقتنع ودلوقتي بنتناقش في كل الأدوار.
- رحت لدكتور نفساني قبل كده وأنا مشوفتش فيها أي حاجة تكسف والمرض النفسي زيه زي أي تعب.
- أنا بحب أفهم نفسي وأشتغل على نفسي ولو عندي مشكلة أو عقدة أفهمها وأوجها، وأنا رحت لكذا دكتور لأني كنت محبطة وبمر بفترة صعبة.
- لو في دور جرئ كفكرة ممكن أعملها إنما ابتذال بمشاهد ملهاش لازمة بمجرد أنها تبقى ترند وتبيع ويكون ملهاش لازمة أرفضها.
- لم أرفض المشاركة في مسلسل نسل الأغراب، ولو كان اتعرض عليا كنت هشوف حسب الدور.
ويذاع برنامج "حبر سري" يومي الخميس والجمعة في الحادية عشر مساءً عبر قناة القاهرة والناس.