حلت نجمة الغناء الشعبي هدى ضيفة على الإعلامية ياسمين عز في برنامجها "كلام الناس" المُذاع عبر شاشة MBC مصر.
وتحدثت المطربة هدى خلال الحلقة عن العديد من تفاصيل وأسرار حياتها الشخصية وأزماتها التي مرت بها لأول مرة على الهواء للجمهور.
وقالت هدى: «يقال عني إني زي المطرب حكيم ولكن النسخة النسائية وهذا شرف لي».
وأوضحت: «بمر بأزمات مادية زي كل الناس، ومسيرتي الفنية تعطلت لأني أنتج الأغاني لنفسي».
وتابعت: «بييجي أحياناً عليا وقت مش بيكون معايا مليم ولا فلوس أدفع حق الدروس لبنتي ومصاريف المدرسة، ولو حد من برا وشاف إني عايشة في بيت كويس ومعايا عربية كويسة مش هيصدق إني مش معايا فلوس والله».
وواصلت: «أنا زي الناس أحيانًا بيبقى عندي ظروف صعبة، عندي حياة ومسؤوليات وبنتي، وعندي مصاريف دروس ومدرسة».
واختتمت "هدى" قائلة: «أحيانا بكون بين نارين هتدفعي مصاريف المدرسة ولا هتعملي أغنية، أكيد هدفع المصاريف، مفيش اختيارات، فبالتالي بتأخر عن الشغل، وماحدش بيصدق غير اللي محطوط في الظروف، لو أنا في حد محتاج حاجة وأنا مش معايا غيرها مش بحوشها، وربك بيفرجها، ونتراضي الحمد لله».
اقرأ أيضاً:- محمد رمضان يعلن الصلح مع المطرب محمود بدر بعد أزمة أغنية «على وضعنا»
