كشف الفنان أحمد آدم، شائعة حبه من طرف واحد من فنانة مشهورة، عملت معه قديمًا في عرض مسرحي.
وقال أحمد آدم، خلال تصريحات تلفزيونية: آه كنت في علاقة مع فنانة اشتغلت معاها مسرح، ومكنش من طرف واحد، الست لما بتحب راجل بتعرف تجيبه.. ومكنش فيه حكاية جواز هو كل حب لازم يحصل فيه جواز، الجواز بيموت الحب، ياما الحب من غير أمل أسمى معاني الغرام، ولا هي طلبت جواز ولا أنا عرضت عليها جواز ولا كنا نعرف بعض عشان نتجوز، بنستريح للكلام مع بعضينا.
وأضاف "كان حب مش من طرف واحد، ميتقاليش أنا كلام زي ده، أنا ممكن أحب واحدة وهي ولا تعرف، مينفعش أبان إن أنا بجري، ومعملتهاش ولا مرة من وأنا طفل."
ويعد فيلم صابر وراضي هو آخر أعمال أحمد آدم الفنية، ويشارك في الفيلم العديد من الفنانين مع أحمد آدم، ومنهم: محسن محيي الدين، سلوى عثمان، رزان مغربي، يسرا المسعودي، أميرة العايدي، محمد مهران، ساندي علي، فاطمة كشري، شريف صبحي، يوسف حسام، الطفلة فريدة حسام، الفيلم من تأليف لؤي السيد ومحمد نبوي، وإخراج أكرم فريد.
