وجهت الإعلامية ياسمين عز عددًا من النصائح لـ كريستيانو رونالدو، مؤكدة أن الزواج والستر أجمل شيء، بجانب الحديث عن شائعة وقف برنامجها.
وقالت ياسمين عز في برنامجها كلام الناس المذاع عبر شاشة أم بي سي مصر: أنا بدعو لستر البنت وبالجواز والدلع مش الطلاق، عايزني أقوله خليك ماشي معاها سداح مداح؟ بقول له مفيش أجمل من الحلال والستر وربنا عمره ما هيكرمك من غير جواز، شوف ميسي لما أتجوز ربنا كرمه ووصل للنهائي، وربنا يهدي جورجينا أم العيال ويصلح الحال.
وواصلت ياسمين عز: الناس بتقول رونالدو عنده 37 سنة وعجز وهيعتزل، عجز إيه اعقلوا الكلام؟ مفيش راجل بيعجز يا حبيبتي معروفة، وكل سن وله حلاوته والراجل تلاقيه 70 سنة ومش باين عليه هو ربنا خلقه كدا جيناته قوية.
وأضافت ياسمين عز: رونالدو مش عايز يتجوز جورجينا عشان متاخدش نص فلوسه لو اتطلقت وكمان أمه مش راضية، شوفوا رضا الأم دا أهم حاجة، وميقدرش يكسر كلام أمه ولا يقولها غصب عنك هتجوزها، وكلامي دعوة للستر ومش فاهمة الناس معترضين ليه على كلامي؟
كما علقت ياسمين عز على شائعة وقف برنامجها، قائلة: اللي بيقف في صف الرجالة بيروح جنة الأرض والسما، وقولت لكم لما تبقوا عايزين تتسلوا نتسلى مع بعض، وبرنامجي موجود وعلى الهواء مباشرة إلا بقى لو مش قادرين على غيابي ممكن أطلع لكم طول الأسبوع.
اقرأ أيضا | ياسمين عز: «لازم نتعلم كل حاجة عن الكرة علشان نقرب من الرجالة»
