احتفلت الفنانة داليا مصطفى بعيد زواجها من الفنان شريف سلامة.
وشاركت داليا مصطفى صورًا رومانسية تجمعها بزوجها شريف سلامة، عبر حسابها الشخصي على موقع التواصل الاجتماعي إنستجرام، وعلقت قائلة: "عيد زواج سعيد".
من جهة أخرى، يعرض لداليا مصطفى حاليا مسلسل "بيت فرح" المكون من 20 حلقة، وتأليف تأليف هبة رجب، وإخراج شيرين عادل وإنتاج شركة كينج توت للمنتج هشام شعبان الذى يعود للإنتاج بعد غياب، وهو بطولة فتحى عبد الوهاب، داليا مصطفى، ايناس كامل، محمد على رزق، ليلى حسين، مروة عيد، فدوى عابد وعدد آخر من الفنانين.
كما عبرت داليا مصطفى عن دهشتها من ارتفاع أسعار الدروس الخصوصية وذلك عبر بث مباشر على صفحتها على تطبيق "انستجرام".
وقالت داليا:"بسأل واحدة صاحبتي بقولها عايزة أدي ولادي درس للكيمياء، مش قادرة أتكلم، مصدومة، عارفين لما تتصدموا متبقوش قادرين تتكلموا، مصدومة جدا جدا، يعني ١٠ سنين في الآي جي، قولوا رقم، تخيلوا كام؟ حد يجاوبني، ها يلا، قول يا أكمل، الرجالة ممكن ميبقوش عارفين".
وتابعت داليا: "قالتلي ٩٠٠ جنيه في الحصة، وليه مفيش كنترول، أنا آسفة إني بتدخل، وليه مفيش كنترول، اتفرجت على برنامج لميس وشفت إن الحكومة عايزة تتدخل، ايه ده؟ يعني ايه ٩٠٠ جنيه في الساعة، لو الأستاذ بيدي ٨ ساعات في اليوم يعني ٨ في ٩٠٠ جنيه بكام؟ أنا مصدومة من الرقم مش عارفة أحسبها، نقول بيدخل في اليوم ٧ آلاف جنيه، انتوا سامعني بقول ايه، أنا بتكلم معاكم في شيء مهم جدا، أنا مش فاهمة، انتوا سامعني، أنا مش مصدقة".
