أجرى الفنان حسام حبيب مداخلة هاتفية كشف فيها حقيقة علاقته بالأزمات التي تمر بها طليقته شيرين عبد الوهاب، عبر برنامج "الحكاية" المذاع على فضائية "إم بي سي مصر" مع الإعلامي عمرو أديب.
وفي السطور التالية نستعرض ملخصا لأبرز تصريحات حسام حبيب...
- شيرين حلقت شعرها عشان تجبر نفسها على انتهاء علاقتنا، بقسوتها على نفسها وعليا، ولكن معرفتش تتخلص من حبي ده.
- أطلقنا انا وشيرين بسبب life sytel مينفعش أنا أكون مش بشرب سجاير وكل الناس اللى حواليا بتشرب.
- أهلي عندهم أكبر مستشفيات في مصر، لو أنا بعمل كده، أهلي هسيبوني عادي؟، منين سبب طلاقها حاجة زي كده؟، ومنين أنا بساعدها على كده؟، إزاي؟، لا يمكن".
- زواجي من شيرين كان الأول لي، خرجت من بيت أمي على بيت شيرين، وهي من أصرت أن نعيش في منزلها لها مدارس ابنتيها في نفس المنطقة السكنية.
- الطلاق حصل بورق .. ولكن الرجوع بعدها مكنش بورق.
- عمري ما قولت لشيرين انتي تخينه... أنا اتكلمت مع واحدة صاحبتها وقولتلها أنا بوظت شيرين، وأنا سكوتي ضرها.. بقيت أسكت على موضوع أنها لازم تخس، أنها لازم تاخد بالها من صحتها.
- أهلها ليه مخدوش خطوة المستشفى من بدري .. أنت شايف انها بحاجة للرعاية الصحية اشمعنا عملت كده بعد البيان.
- شيرين ليها عندي معزة خاصة وقالتلي انت اتظلمت ومن شيم الـدب والاحترام اني اردلك كرامتك قدام الناس وقولتلها أنا اللي يردلي كرامتي قدام الناس اثبتي للناس أن علاقة حسام لشيرين مش مضره.
- أنا تنازلت عن عربيتي.. وعربيتي شيرين جبتهالي وقالتلي دي حقك، قولتلها أنا مش هركبها، ولما أخدتها كان كيد عيال، وكانت باسمي.
- شيرين لو كانت شايفة اني انسان توكسيك زي ما الناس بتقول كانت قفلت العلاقة دي زي غيرها.
- منين سبب طلاقنا أنا وشيرين بسبب الحالة اللي هي وصلتلها ومنين أنا بعمل زيها لا يمكن دا اصلا سبب خلافنا.
- لم أحصل على مليم من شيرين عبد الوهاب منذ زواجنا، لم أتمكن من العمل لأن شيرين طيبة لو سبتها ربع ساعة تتاكل، شيرين كان فيه راجل شغال عندها محاسب قعد يحكيلها ظروفه عارف إداته كام ؟ اداته ١٠٠ الف دولار و خدهم و طفش.
- كنت على علم بإدمان شيرين عبد الوهاب منذ فترة وخيرتها بيني والمخدرات وده كان سبب خلافنا ولكنها ظلت في نفس الوسط، ورفضت السماع لنصيحتي وهذا سبب طلاقنا.
- اللي عايز يدمر شيرين شخص قالي في يوم أنا معايا توكيل رسمي منها وهحجر عليها أنا بقولهم احنا مأمنين كل رصيدها لبناتها بره مصر بشكل كامل، وخططكم هتفشل، مش هتنجح.
- أخوها بقاله سنتين مبيكلمهاش... دلوقتي بقي خايف عليها والليلة اللي جوم اخدوا فيها شيرين من البيت للمستشفى أخوها كان شايل مطوه ومعاه الدكتور، مسحولة ونازلة حافية.
- وقت ما اخدوا شيرين للمستشفى بقيت عماله تصوت وتقول ألحقني يا حسام.. حاولت أنهم يصبروا عليها أو امنعه من الطريقه دي وأن ده يتم بالعقل والهدوء.
- شيرين وقت ما أخدوها للمستشفي مانت بتقول أنا شيرين عبد الوهاب يتعمل فيا كده أنا اللي عالجتك لسنين تعمل فيا كده.
- وقت ما اخدوا شيرين كنت أنا معاها واتنين أصحابنا والبنت اللي شغالة معاها.
- شيرين حاولت الانتحار في المستشفى واستمرت بدون أكل لمدة 3 ايام وأظهرت في المستشفى علامات الضرب على جسدها.
- تأكدت من وجود شيرين عبد الوهاب في المستشفى المذكورة عن طريق شخص غادر منها، أخبرني أن شيرين رفضت الأكل لمدة 3 أيام، وتناولته أخيرا، وحاولت الانتحار مرة واحدة.
وتخضع الفنانة شيرين عبد الوهاب حاليا للفحص الطبي والعلاج، في إحدى المصحات النفسية، حتى إكمال علاجها من إدمان المخدرات، وفقا لتصريحات شقيقها محمد عبد الوهاب، في برنامج "الحكاية".
وقال شقيق الفنانة شيرين عبد الوهاب في مداخلة هاتفية مع الإعلامي عمرو أديب، ببرنامج "الحكاية"، مساء الأحد الماضي: "شقيقتي بتضيع وتنهار وتتعرض لعصابة مكونة من حسام حبيب وسارة الطباخ، وأمي قالت ليا أبوس على إيديك إنقذ أختك من الإدمان، مدير المستشفى في النيابة العامة حاليا وأثبت بالأوراق الدخول الإلزامي لشقيقتي للعلاج من الإدمان".
