أكد الدكتور نبيل عبد المقصود مدير مستشفى قصر العيني الفرنساوي الأسبق وطبيب الفنانة شيرين عبد الوهاب، إن شيرين قوة ناعمة لمصر يجب أن تستغل.
ولفت خلال تصريحات تلفيزيونية :«شيرين عبد الوهاب قابلتها مشاكل كتير لا داعى للخوض فيها وهذه المشاكل أثرت عليها وخلتها قاعدة في البيت مش عايزة تكلم حد ولا تقابل أو تتواصل مع أي حد وهذا انطبع عليها وعلى صحتها بالسلب».
وأضاف:« شيرين كانت محتاجة رعاية وتحس بحد يسمعها ويوجهها للطريق الصح وحد يديها طاقة ايجابية ويساعدها تقف علي رجليها تاني وده اللى حصل من خلالي، وشيرين مكنتش محتاجة لأستاذ سموم ولا استشاري امراض نفسية ولكن كانت محتاجة انسان، والإنسان ممكن يبقى ابوها أو اخوها أو أي حد يقدر يساعدها، وانا طبيب في المجال وانسان قدرت اساعدها».
وأكمل:« مش عايزين ندخل شيرين في»منطقة أنها بتتعالج من الإدمان، ليه بنحاول نهدمها"، موضحا: "شيرين لا تعاني علي الإطلاق من ادمان المخدرات أو إدمان أي شيء".
وتابع:«وقوف شيرين مجددًا علي المسرح وابهارها للجمهور بالطريقة اللي ظهرت بيها ووقوفي معها وتحسين حالتها النفسية والصحية ومساندتها في كل مجالي وفي كل حاجة اقدر اساعد فيها ده فرق معايا، وكانت في الأول بتقولي مش هاروح أغني وانا اللى اصريت انها تغني لتنتصر لنفسها واثبات وجودها وعملت حفلة رهيبة في تونس مع ناس سميعة وذواقة».
وأكد:«شيرين عبد الوهاب راجعة للغناء وبقوة، ومهرجان قرطاج الفني اللى شاركت فيه اعطاها قبلة الحياة مرة أخرى خاصة مع حفاوة الجمهور بها».
واصطحبت الفنانة شيرين عبد الوهاب الطبيب المعالج لها وهو الدكتور نبيل عبد المقصود أخصائي الطب النفسي أثناء إحياء حفلها بمهرجان قرطاج بتونس، وقبَّلت شيرين يده أمام الجمهور، مؤكدة أنها كانت تعاني من مشاكل شديدة، واصفة ذلك بالموت، إلا أن ذلك الطبيب عالجها وهو مَن دعمها في محنتها النفسية الأخيرة.
