روى الفنان سيف الدين وليد، تفاصيل اختياره لدوره في فيلم ميدو مشاكل بطولة الفنان أحمد حلمي، قائلًا: "الأول أنا اشتركت في برنامج من سيربح البونبون وبعدها اترشحت ابقى في ميدو مشاكل"، متابعًا: "مشهد ميدو أنا عايز اهرب ده اتعاد كتير جدًا أكتر من 7 مرات ولما كبرت شوية بدأت الاقي أن المشهد ده بقا تريند".
وأضاف سيف الدين وليد، خلال حواره ببرنامج "صباح البلد" والمُذاع عبر فضائية "صدى البلد": "ممكن سبب اختياري للدور إني كنت في سن صغير كنت متكلم جدًا وبهزر كتير"، موضحًا سبب اختفائه بعد الفيلم: "والدي كان عايزني أخلص دراستي من مدرسة وكلية وبعد كده أدخل معهد السينما وأنا كنت عايز أخلص دراستي في الكرير اللي أنا بحبه وبعد كده أنمي موهبة التمثيل".
وتابع: "أي حد يشوفني ويعرف إن اللي كنت بمثل في الفيلم يتفاجئ ويقولي إنت كبرت ازاي كده".
إقرأ أيضا| من مشاكل الغدة الدرقية إلى متلازمة كوشينغ.. ما الذي يقوله شعرك عن صحتك؟
