خصصت الإعلامية مفيدة شيحة، فقرة عن خطاب الكراهية ضد المرأة، متسائلة: كيف تأمن المرأة وهي لا تستحق الاحترام في نظر أشباه الرجال؟، كيف نربي أبنائنا على استباحة المرأة؟.
اقرأ أيضا| جدل وبلاغات.. أزمات مبروك عطية مع السوشيال ميديا | فيديو
وتسألت مفيدة شيحة، في برنامجها "الستات"، المذاع عبر قناة النهار وان، مساء اليوم الأربعاء: هل يصنع الرفض قاتل؟، هل ساهم الفن وبعض رجال الدين في استباحة المرأة؟، متابعة "أكيد مفيش موضوع ينفع أتكلم فيه غير موضوع واحد بس اللي شغل كل الناس الأيام الأخيرة، وكشف قد ايه في بيننا ناس غريبة لا يمكن تخيل مدى السوء اللي وصلوا ليه، أيوة هي نيرة".
وتابعت مفيدة شيحة: "البنت البريئة اللي فقدت حياتها بسبب شخص مهما حاولت مش ممكن هقدر ألاقي وصف أوصفه بيه، هو في ايه بجد.. ازاي بنت تتقتل قدام جامعتها من زميلها لمجرد إنها رفضت الارتباط بيه.. ازاي شخص وصل للمستوى ده أصلا من القسوة والبشاعة وانعدام العقل وانعدام الدين وانعدام المشاعر.. ايه ده".
وأكملت مقدمة برنامج الستات: "ازاي كدة وازاي بقى بينا ناس بالشكل ده؟ معقول خلاص ده تفكير شاب في السن ده؟ ازاي الوسيلة الوحيدة عنده بقت لغة الدم! ازاي عقله جاب وقرر مرة واحدة ينهي حياة بنت برئية مالهاش أي ذنب غير إنه حاول يرتبط بيها ورفضته.. ايه بقينا خلاص ماشيين ندبح في خلق الله.. ازاي بجد التفكير الدموي ده اتغلغل ووصل لشاب زي ده".
