قالت دينا يوسف داوود رئيس قطاع المكتبات بمكتبة الإسكندرية وابنة الفنان الراحل يوسف داوود، إن بابا إسكندراني وأهله كانوا من البحيرة هو ومامتي، وكان عنده 2 إخوات الله يرحمهم واحد كان دكتور أسنان مشهور في انجلترا والتاني كان دكتور امراض نفسية في أمريكا، وبابا كان نابغة في الهندسة بس كان بيحب الضحك والهزار واللعب وكان ليه أنشطة اخدته من الدراسة كتير.
اقرأ أيضا| سياسيون: وثائق طهران كشفت مؤامرات إيران والإخوان فى المنطقة
وأضافت " دينا يوسف داوود" خلال تصريحات إذاعية ، اليوم الثلاثاء: "بابا كان آخر العنقود ودلوع جدا ووسيم جدا وكان ليه دلال، و جدتي من عيلة أبو الدهب وهي اللي كانت مسيطرة في البيت بس كانت مدلعاه، و كان بيعتبر التمثيل هواية أثناء عمله بالهندسة، بابا وماما كانوا قرايب وهم الاتنين كانوا روشين وسابقين عصرهم".
وتابعت: "ماما كانت سعاد حسني العيلة، ماما وجدتي كانوا مسيطرين فكان لقاءهم لقاء الجبابرة".
وعن والدها، فقالت: "يوسف داوود اسمه الفني أما الحقيقي يوسف جرجس صليب، بابا وماما اختاروا اسم ماجد أخويا علي اسم واحد قريبهم بيحبوه، اما اسمي فجوز خالتي هو اللي اختاره لأنه كان ترند وقتها".
واختتمت قائلة: "أقول لبابا زمان كان بيقولوا: ده مامتش، وأنا فعلا بحس إنه مامتش بعد ما توفى وده من خلال إني بعيش كل ريأكشاناته من خلال أعماله لأنه كان طبيعي جدا، و اقول للعيلة: إننا عيلة جميلة وهم ناس طيبة ولما بتعامل مع الناس بحس إننا اتربينا في حته تانية".
