أكدت الفنانة شيرين رضا، أن معظم أصدقائها من الرجال منذ مرحلة الطفولة في المدرسة وما زالوا موجودين حولها، قائلة: "أنا قلت معظم أصدقائي رجالة وهم أصدقائي من أيام المدرسة من سن الطفولة، وموجودين لسه حواليا.. والبنات منهم اللي سافرت واللي عاشت بعيد".
اقرأ أيضا|دماء على التختة.. طالب الثانوي حاول قتل زميله أثناء الامتحانات
وأضافت الفنانة شيرين رضا، خلال حوارها ببرنامج "حبر سري"، مع الإعلامية أسما إبراهيم، على قناة القاهرة والناس، أن "بعض الستات يوجد لديهم عادات سيئة"، مضيفة: "الستات في بينهم نفسنة ودي حاجة مش بحبها وبتضايقني، وإحنا كستات بقالنا سنين طويلة بنحاول نأخذ حقوقنا في هذا الجو".
وتابعت: "بنحاول من سنين نأخذ وضعنا في المجتمع ولا يمكن ننجز أي حاجة وإحنا بنحارب بعض ولو عايزين نعمل كده منتكلمش على المساواة مع الرجل وحقيقي مقولة (الست أقوى عدو للست)، ونفسي المنطق ده يتغير، وعندي أمل الأجيال الصغيرة تغير اللي بنشوفه حاليا".
