حلت الفنانة فيفي عبده ضيفة على برنامج «حبر سري» والذي تقدمه الإعلامية أسما إبراهيم، وتحدثت فيفي عبده عن طفولتها ومشوارها الفني ومهنة الرقص.
وفيما يلي أبرز تصريحاتها:-
- بجتهد ومش بنام يوم التصوير، وبقعد أفكر هعمل أيه في الشخصية وهقول أيه.
- اللي بيقول الرقص مهنة غير شريفة، ملهوش دعوة ويخليه في حاله، واللي بيحب الرقص يتفرج عليه.
- حياتي كانت صعبة وأنا صغيرة وعانيت وكنت فقيرة وطلعت السلم من البداية واحدة واحدة.
- مش هتبرع بأعضائي بعد الوفاة زي إلهام شاهين
- الفرق بين الراقصة المصرية والأجنبية زي الفاكهة البلدي والصناعي
- معشتش طفولتي واتحرمت من طفولتي، لأني كنت بشتغل ودا مصيري.
فيفي عبده تكشف عن وجهتها الأولي بعد إنتهاء أزمة كورونا
- لا بتجنب الكلام عن بنتي عطية الله، وطول عمر ولادي برا حياتي وكل واحد عنده سكته وحياته، وولادي نعمة من ربنا.
- نفسي أعمل قصة حياتي، وأنا احكيها بنفسي زي ما عشتها وحسيتها دون إضافات.
- أمي ربتني صح وأنا مشيت زي ما هي قالتلي واللي عارفني عارف أن أخلاقي هي هي متغيرتش.
- مش غيرانة من هشام عباس بس البرنامج ووقت مكنش يسمح يكون فيه أكتر من مذيع، وأنا عندي خبرات أكتر من هشام وعايزة أشاركها.
- مكرهتش مرات أبويا لأني كنت طفلة مش فاهمة، بس لما كبرت حسيت أني زعلانة على أمي.
