انتشرت الساعات الماضية أخبار على مواقع التواصل الاجتماعي، حول منع حلقة هيفاء وهبى، وإجبارها من قبل أسرة برنامج "صباح الخير يا مصر"، على ارتداء بنطلون بدلاً من الشورت الذي كانت ترتديه خلال حفلها بمدينة العلمين.
وكشف محمد المعتصم رئيس تحرير برنامج "صباح الخير يا مصر"، حقيقة ما تردد، حيث كتب محمد المعتصم عبر صفحته على موقع "فيسبوك": "محمد حماقي وهيفاء وهبي.. ضيوف صباح الخير يا مصر، تابعوا اللقائين اللي عملتهم هدير أبو زيد وهيتذاعوا في برنامج صباح الخير يا مصر وبرنامج التاسعة".
واستكمل محمد المعتصم، حديثه قائلاً: "ملحوظة: ورحمة أمي ما قلنا لـهيفاء وهبى البسي بنطلون.. علشان السؤال ده جالي من اكتر من ١٠٠ موقع مصري وعربي.. هي اللي قالت: احتراما لـ صباح الخير يا مصر والتليفزيون المصري وجمهوره الصباحي ما ينفعش الشورت.. بس نعمل ايه الموقع اللي نشر القصة دي حبايبي واخواتي ( قالك مخرج البرنامج أجبرها.. مع ان ماكانش فيه مخرج من الأساس).
وأضاف محمد المعتصم: "تأجيل عرض هيفاء وهبى كان لأنه هيتعرض في التاسعة كمان مش لأسباب ليها علاقة البنطلون.. عموما اللي عايز يتفرج على هيفاء يتفضل يشوفها في التاسعة النهاردة واللي عايز يتفرج على اللقاء ويعرف شوية كواليس.. يشوفنا بكرة في صباح الخير يا مصر".
