أعربت الفنانة عفاف راضى عن سعادتها بتكريمها فى يوم المرأة المصرية من السيدة انتصار السيسي قرينة رئيس الجمهورية، قائلة: "جالى تليفونات كلها مرديتش عليها لقيت الدنيا مقلوبة عليا، والنقابة بتقولي ردى على الموبايل، وشرف كبير ليا إنى أتكرم من السيدة انتصار السيسي، وأحلى حاجة التكريم فى بلدى".
قالت عفاف خلال حوارها فى برنامج "معكم" المذاع على قناة cbc: مى ابنتي وهى طفلة لما تعيط كنت بشغلها كاسيت الأغانى بتاعتى تبطل عياط عشان كدة عندها حس فنى من صغرها"، وغنت عفاف وابنتها مى أغنية: "يالا بينا".
في حين ردت مى كمال، ابنه المطربة، فى نفس المداخلة قائلة: "أنا طبعا بحب أسمع المهرجات ومش هنكر إن أنا وصحابى بنرقص عليها بس كل واحد بيغنى لونه، أنا اللون بتاعى هو الجاز العربى زى أغانى فيروز والرحبانية وستايل أغانى ماما بس دا مش معناه إنى مش بحب أسمع الاغانى التانية".
وأضافت مى كمال أنها خشيت أن تقدم على تقديم ألبوم يضم أغانى والدتها المطربة عفاف راضى، قائلة: "كنت خايفة أوافق على المشروع ده عشان هتحط فى مقارنة والناس هتقول هى بتعمل إيه؟ هى عشان بنت عفاف راضى كنت قلقانة من أن أبدأ المشروع فبدأت بحاجة صغيرة، ولقيت رد فعل كويس من الناس وبالتالى قررت أقدم حاجات صغيرة مش ألبوم كامل".
