كشف محمود عبد المنعم كهربا صانع ألعاب النادى الأهلى عن كواليس رحيله عن نادى الزمالك قبل الانضمام إلى النادى الأهلي ، قائلا :"أنا أكثر لاعب اتشتمت من جماهير الزمالك " .
اقرا ايضا .. وجه رسالة لجماهير الزمالك.. «كهربا» يكشف سبب البكاء بعد التتويج بالكأس
وقال "كهربا" خلال لقائه ، في برنامج "ملعب أون تايم" مع الإعلامى سيف زاهر ، المذاع على قناة ontime ، إن سبب خلافى مع مرتضى منصور رئيس نادى الزمالك ، أنى قبل مباراة الأهلى والزمالك فى برج العرب جاء رئيس القلعة البيضاء الساابق إلى التدريبات ومعه عدد من نجوم الزمالك للتدريب ، قائلا :" مرتضي منصور قالى وانت بقى يا عم كهربا لو حد شتمك بأمك أو ابوك ما تردش، فبعد الاجتماع تحدثت معه وقولتله لو سمحت شيل الجزء ده من الفيديو لأن أبويا وأمى بيتفرجوا عليه وانا مش عايزهم يسمعوا الكلام ده".
تابع " كهربا " :" حدثت مشادة بينا بسبب ذلك الموقف، وبعدها خدنى فى مكتبه وقالى انت زي ابنى واللاعيبة كلها كانت معايا ما سابونيش، بعدها طلبت من النادى 20 مليون للتجديد، والنادى رفض وقولتلهم ان بعد أمم أفريقيا هيجيلكم جواب انى "فرى" لأن كان باقى فى عقدى 6 أشهر، وبعد أمم أفريقيا ماحدش كلمنى وكلمونى لما غيبت يوم عن النادى فقولتلهم شكراً.
واختتم "محمود كهربا " تصريحاته قائلا :" كنت قريب من الانضمام لبيراميدز قبل الأهلى وبيراميدز كان عرضه أكبر من الأهلى جداً لكن أنا كنت مستنى الأهلى، وقولتلهم أنا معاكم بس ادونى أسبوع مستنى رد الأهلى، وأنا أدفع فلوس عشان ألعب فى الأهلى ولكنى ضحيت بفلوس بيراميدز من اجل الانضمام للاهلى" قائلا :" جمهور الزمالك بحبهم وبحترمهم وما شافوش منى حاجة وحشة، وجمهور الأهلى فى حتة تانية خالص وهما زي عيلتى الثانية.
