الطفلة بسملة، بطلة الجمهورية في رياضة الكاراتيه، تبلغ من العمر 14 عاماً، تمتلك قصة من العزيمة والنجاح رغم كونها من قصار القامة، فوجدت في رياضة الكاراتيه ملاذاً لتحطيم الصعوبات والمعوقات حتى وصلت للفوز ببطولة الجمهورية.
وتقول بسملة: «تغلبت على كل المصاعب ولعبت رياضة الكاراتية وتفوقت فيها وأحرزت بطولة الجمهورية في هذه الرياضة.. النهاردة مش بخاف من حد وأقدر أدافع عن نفسي وحصلت على الحزام الأسود في الكاراتيه».
ويؤكد والدها: «من يوم ولادتها حسيت إنها رسالة قوية وضخمة جداً ليا أنا شخصياً، وبدأت اتعامل بمعطياتها كلها اللى هو يا تقدر تحافظ عليها وتكون سبب دخولك الجنه يا إما هتفقد كل شئ بما فيهم هى، وابنتي مرت بعمليات كتير وفى الآخر دخلنا فى مرحلة إن بسملة مش هينفع تدخل عمليات تاني ونتعامل مع الوضع، فقررت إن لازم يكون عندها ثقة في نفسها، ولازم تلعب رياضة عشان متخافش، لو نزلت فى حمام سباحة متخافش، ولو كانت فى وسط ناس متخافش، أنا فضلت الكاراتيه عشان هيديها ثقة أكتر، وربنا يوفقها ويكرمنا بيها».
اقرأ أيضاً| أبطال التحدي| أمل الزناتي.. «سيدة الجرارات الثقيلة»
