تداول رواد السوشيال ميديا خلال الساعات الأخيرة، مقطع فيديو لنجل الفنان هشام سليم، يظهر فيه للرد على منتقديه بسبب ارتدائه حلق بأذنيه في صورة نشرها عبر «استوري» القصص الخاصة به على موقع «انستجرام».
وعلق نور هشام قائلًا بطريقة ساخرة: «كلمة للشباب اللي داخلة تتكلم عن الحلق بتاعي، وإن الحلق بتاعي مضايقهم، وإني أنا بقيت راجل فمينفعش ألبس حلق وحاجات كده، هقولكوا حاجة، طالما البطاقة مكتوب فيها أنثى هعمل اللي أنا عايزه».
وأضاف نجل هشام سليم: «وبعدين يعني بجد فرقت إيه؟ يعني أنا دلوقتي لبست الحلق وناوي أجيب واحد تاني، بقيت أنا كده خلاص كل اللي عملته اتمسح؟ كل واحد يركز في نفسه، ويسيبني أعمل اللي أنا عايزه براحتي».
كان الفنان هشام سليم، قد أعلن منذ فترة عن تحول ابنته نورا إلى «نور»، قائلا: «بنتي نورا بقى ابني نور»، وظهر الثنائي في فيديو عبر شاشة «دويتشه فيله» الألمانية، يتحدثان بصراحة ومن القلب عن قصة التحول.
وأشار هشام سليم إلى الفترات الصعبة التي عاشتها «نور» في سبيل تحولها إلى ذكر، وكيف مرت بتجارب نفسية عصيبة، وطريق لم يكن له نهاية سوى التحول إلى ذكر، فكانت العملية والتي حولتها إلى شاب.
ودعمه والده بعد 18 عاما كان فيها أنثى، وقال سليم في برنامج «شيخ الحارة والجريئة»: «كنت على طول بشك في الحكاية دي، لغاية ما جت في يوم قالتلي أنا عايشة في جسم غير جسمي، وكانت عندها 18 سنة، ودلوقتي 26 سنة، وقولتلها المطلوب مني إيه».
وأكمل هشام سليم: «أنا عارف إنه يمر بمشاعر مختلفة، ومخه مشغول بحاجات تعباه، إنه يلاقي نفسه ويقرر يعيش إزاي، وبما إني أنا أبوه فلازم أشوف هقدر أساعده إزاي».
اقرأ أيضًا.. إيناس الدغيدي: ضميري وجعني بسبب حلقة هشام سليم.. وفوجئت برد فعله
