افتتح الرئيس عبد الفتاح السيسى صباح اليوم مجموعة من المشروعات القومية بنطاق محافظة الإسكندرية، منها مشروعات خاصة بقطاع البترول، وكذلك مشروع بشاير الخير 2 للإسكان، ومحطة معالجة الصرف الثلاثية ببرج العرب، ومشروع تطوير محور المحمودية.
وقدم الرئيس السيسي، بعض الرسائل للمواطنين خلال افتتاح المشروعات والتي تمثلت في .
«محور المحمودية أعطى حرية حركة كبيرة.. وسيتم توصيله للبحيرة»
قال الرئيس عبد الفتاح السيسي، إن مواطنين كثيرين كانوا رافضين لفكرة تطوير محور المحمودية بما فيهم المتواجدون في وكالة الخضار الخاصة بسوق الجملة، واعتبروا المشروع سيؤثر على أرزاقهم، مؤكدا أنه تم إنشاء وكالة على أحدث مستوى، متابعا "بعتولى بعد كدا رسالة شكر وتقدير" مضيفا "أنا عايز أقول أن في كل المشروعات اللى بنعملها هتجدوا ناس بتشكك فيها، وناس بتتكلم بشكل سلبي على الإجراءات اللى بنعملها، واللى هدفه مصلحة الكل".
«مفيش نقص حصل فى السلع رغم كورونا»
وأوضح الرئيس عبد الفتاح السيسي، أن خلال الفترة الماضية لم يحدث أى نقص فى أى سلعة أساسية، رغم تحدى أزمة كورونا كان طبيعى نتعرض لازمة زى كده.. جهد وزارة التموين والدكتور على خلال الفترة الماضية مفيش أي نقص في السلع الأساسية حصل او اختناق او شكل من تسعير غير دقيق او تلاعب في الأسواق".
«القنوات المسيئة بتكلمكم كلام لا يرضى ربنا»
قال الرئيس عبدالفتاح السيسي، إن هناك حملات تشكيك في كل المشروعات التي تقوم بها الدولة، متابعا: "في كل مشروعاتنا اللى بنعملها هتجدوا تشكيك وتجدوا ناس بتتكلم بشكل سلبي على اللي احنا بنعمله، ولكن الهدف من هذه المشاريع هي المصلحة للكل، والقنوات المسيئة اللى عاوزة دايما تكلمكم كلام لا يرضى ربنا".
«حجم التصالح في مخالفات البناء حتى الآن 10 %»
أكد الرئيس السيسي أن الدولة لم تتخذ إجراءات حادة لمواجهة مخالفات البناء دون سابق إنذار، مضيفا: "مخدناش إجراء حاد في مخالفات البناء بدون إنذار احنا قايلين الكلام ده من 3 سنين وادينا مهلة لنفسنا 6 شهور، وقلنا التصالح وكلام من هذا القبيل.
وأضاف الرئيس خلال افتتاح عدد من المشروعات القومية في الإسكندرية: "حجم الناتج اللى اتعمل خلال الفترة السابقة 10 % أو أقل، وحصل تعدي خلال نفس الفترة أو يتجاوزهم".
«اللى عاوز يبنى حاجة لربنا يسرق أرضه؟»
قال الرئيس عبد الفتاح السيسي أن "احنا بنفتتح وسعداء والبحيرة فيها 77 جامع مخالف على حرم الترعة، اللى عاوز يبني حاجة لربنا يسرق أرضه؟، دى سرقة".
وأضاف الرئيس أن "كان فيه 30 مسجد وتعديات أخرى ويقولوا بيهدوا مساجد ربنا، والله لا يرضي ربنا سبحانه وتعالى بس هما ميعرفهوش..ويقولوا بيهدوا جوامع ربنا، شوف المصريين، احنا، استغفر الله العظيم".
ووجه الرئيس محافظ البحيرة لتدشين محاور على كل ضفة وإنشاء مساجد بديلة بنفس النمط، قائلا: "بشكرك وانا معاك والدولة معاك نعمل 4 محاور على كل ضفة ونعمل المساجد بنفش النمط ومساكن لأهلنا اللى اتعدوا لكن احنا بنحاسب نفسنا التجاوز اللى تم احنا ندفع تمنه مش الناس".
«التعدي على الأرض الزراعية والبناء غير المخطط يساوي خطر سد النهضة»
أكد الرئيس عبد الفتاح السيسي إن المواطنين متألمون من إجراءات الدولة لضبط مخالفات البناء، متابعا: "المواطنون كتير منهم متألم ومضايق من موضوع إجراءات الدولة لضبط مخالفات البناء سواء الأراضى الزراعية أو بدون ترخيص".
وأضاف الرئيس "محدش بيتكلم في الموضوع ده كويس، ملهومش دعوة بيه، علشان محدش يزعل، وانا مش طبيعتى معاكم كده يا مصريين، احنا قدامنا تحدى وطلعت قدامكم وقلتلكم التحدى ده خطير علينا والاستمرار عليه يدمر الدولة المصرية".
وواصل الرئيس: "كنتوا بتتكلموا وخايفين من موضوع سد النهضة، وصدقوني البناء غير المخطط والتعدي على الأراضى الزراعية خطير مش عاوز أقول بنفس نسبة سد النهضة، بس الناس مش شايفاه، والواضح لينا موضوع المية، واللى مش واضح لينا الاستمرار في التعدى على الأراضي الزراعية والبناء غير المخطط ".
«لن أبيع الوهم للمواطنين تحت أي مسمى»
قال الرئيس عبد الفتاح السيسي، " لن أبيع الوهم للمواطنين تحت أي مسمى سواء كان السياسة أوزيادة الشعبية" مضيفا أن هناك دائما محاولات للتشكيك في المشروعات القومية التي تنجزها الدولة.
«ساعدوني علشان نخلي بلدنا كويسة وزي الفل»
أكدر الرئيس السيسي، أن الدولة بذلت قصارى جهدها في أزمة الاقتصاد وكان الرصيد التي بسببه مرت به مصر للأزمة، موضحا: "كل عمل صالح بنعمله لجل خاطر بلدنا" ووجه السيسي حديثه للمواطنين "انتوا مش عايزين تساعدونى ليه، كل الناس مش عايزة تساعد في المشروعات اللى بنطرحها، قائلا:" هو أنتوا مش بتحلموا ببلد كويسة وزى الفل".
وكان قد افتتح الرئيس عبد الفتاح السيسى صباح اليوم مجموعة من المشروعات القومية بنطاق محافظة الإسكندرية، منها مشروعات خاصة بقطاع البترول، وكذلك مشروع بشاير الخير 2 للإسكان، ومحطة معالجة الصرف الثلاثية ببرج العرب، ومشروع تطوير محور المحمودية، صرح بذلك قال بسام راضى المتحدث باسم رئاسة الجمهورية.
وقد استطاعت الهيئة الهندسية للقوات المسلحة تحقيق حلم محافظة الإسكندرية، تنفيذ أضخم مشروع قومى فى السنوات الأخيرة، وهو تطوير محور المحمودية، والذي شدد الرئيس عبد الفتاح السيسي على أهمية تنفيذه بناءً على تخطيط متكامل يشمل إنشاء بعض المنشآت الخدمية على طول المحور، مع توفير وسائل النقل الجماعى، والعمل على تعظيم الاستفادة الاقتصادية منه.
