قال الرئيس عبد الفتاح السيسي، إن العمالة التي ليس لها دخل ثابت تواجه ظروفا صعبة في الحياة في حالة الإصابة فهي بلا مورد، مطالبا رجال الأعمال بضرورة التأمين عليهم خلال 15 يوما، خاصة أنهم يتعرضون لكثير من الحوادث خلال العمل.
وأضاف "السيسي"، خلال حفل تدشين مدينة العلمين الجديدة اليوم الخميس، قائلا: "لو حد من الشركات العاملة مع الهيئة الهندسية معترض على الكلام ده يقولي، ولازم الشركات تقدم قوائم بأسماء العاملين للتأمين عليهم، لأن العاملين المؤقتين مش هيقدروا يروحوا للتأمينات، واحنا بنعمل كده عشان خاطر ربنا" .
وتابع: "يجب على المصريين أن يكون قلبهم على قلب بعض"، مؤكدا: "في ناس كانت آمنة ومطمئنة حوالينا وما بقتش آمنة، ولو وزارة الإسكان متعاقدة مع شركات والهيئة الهندسية متعاقدة مع شركات أخرى، إجمالي الشركات أكتر من 1000 شركة، وعدد العاملين في الشركات قد يصل إلى 2 مليون كمثال".
وشدد الرئيس السيسي على استهداف كل الشركات باستقطاع مبلغ الـ 2.5 مليار خلال 15 يوما، توضع في البنوك يبقى عملت وثيقة تأمين لمليون مواطن من العمالة المؤقتة هذه" قائلا :" ليه ما بتحلموش بالقوة دى إيه 2.5 مليون من كل شركة بتشتغل في مشروعات بـ100 مليون جنيه، مرة ليه لأ".
وطالب رجال الأعمال الموجودين بالحفل، قائلا: "أوعى حد من الموجودين من رجال الأعمال يزعل، مش بقول تديهم لهم كده، إنما حتى لو كان كده أوعى تتصور إن الأجر والثواب فقط إنك تصلي وتصوم وتطلع عمرة، وإنما إنك تأمن حياة إنسان وأسرته، الأجر لألف عامل وتحصل من 500 وما خدتش المبلغ ده لأي سبب اعتبرهم صدقة جارية ليك للعمال اللي ما انتظموش في الدفع، بكده قفلنا باب الفكرة".
