كان عندي فوبيا من الشهرة.. أبرز تصريحات مايان السيد مع أنس بوخش

أدلت الفنانة الشابة مايان السيد، بالعديد من التصريحات حول حياتها الشخصية والعملية، وذلك خلال إستضافتها في برنامج ABTalks، الذي يقدمه أنس بوخش.

وجاءت التصريحات كالأتي.. 

- بشتغل من وأنا عندي 17 سنة وقررت أنفصل ماديًا عن أهلي وبصرف على نفسي.

- دلوقتي بحب الشهرة وتصالحت معاها، وجائت عليا فترة جالي فوبيا ومكنتش بحبها بعد ما كان بيجيلي تعليقات الوحشة وبيطلع عليا إشاعات، ولكن اشتغلت على نفسي لحد من سنة وبقيت بقول إن ديه نعمة إن فيه ناس بتحبني وبيتابعوني.

- قعدت سنين في فكرة إني مش محبوبة وجاتلي فترة بقيت مش عايزة أخرج خالص وهفضل قاعدة في البيت وده أمان بالنسبة لي ومش هتعرض للناس لحد ما المعالج بتاعي قالي تحبي تكوني الجمهور اللي بيتفرج ولا على المسرح؟، فقولتله عايزة أكون على المسرح فقالي لازم تعيشي وتخرجي.

- من سنتين عملت مسلسل لم ينال إعجاب الجمهور وكانوا بيشتمونى وعرفت هنا يعني إيه الناس تشتمني وتقول تعليقات وحشة أوي وكنت بقرأ كل حاجة ووقتها مكنتش واثقة في نفسي وفكرت في حاجات كتير منها إني ما كملش وللأسف جالي تفكير إن أأذي نفسي.

- وأنا صغيرة كان فيه واحدة قريبة مني قالتلي إنتي عندك كرش ومن وقتها في حاجة اتكسرت جوايا ومبقيتش أكل لمدة شهر لحد ما خسيت وده جابلي أنيميا وقعدت فترة طويلة بيغمى عليا بسبب اللحظة ديه ومكنتش حابه شكلي.

اقرأ المزيد.. يسرا في ضيافة "بيت مراد".. السبت المقبل