قدمت الإعلامية ياسمين عز، في بداية برنامجها "كلام الناس" المذاع عبر قناة "إم بي سي مصر"، نصائح للستات قبل مباراة الأهلي والزمالك غدًا.
وقالت ياسمين عز: "الزوج الأهلاوي أصيل وعمره ما يتخلى عنك في يوم مهما كنت مضايقاه ومنكدة عليه، واخد عهد على نفسه في الحلوة والمرة معاكي".
وتابعت ياسمين عز: "مش بيرضى غير بالمركز الأول فلازم تكوني بريموا في التعامل معاه، مش بيفرق معاه بتطبخي ايه وشكل السفرة عامل إزاي المهم إنه يكون شبعان على الآخر".
وأردفت: الراجل سواء زملكاوي أو أهلاوي مفهوش عيوب، وكلهم طعمين وهايلين، متابعة:" الزملكاوي عمره ماهيخونك وعنده وفاء وإخلاص عمرك ما هتلاقيه، وأقل كلمة تفرحه، ويعشق المتعة بصرف النظر عن النتيجة".
واستطردت:"لو لاقيتي جوزك سرحان أو مش مركز معاكي متقلقيش بيفكر في جدو فيريرا مدرب الزمالك مش بيفكر في واحدة تانية".
اقرا ايضا|هل يصدر القضاء قرارًا ضد ياسمين عز؟.. أستاذ قانون يُجيب | فيديو