نشرت الفنانة هاجر الشرنوبي، صوراً لها برفقة النجم تامر حسني، قد التقطتها معه بعد حفلة بالإسكندرية الذي أقيم مساء أمس 24 سبتمبر، وذلك عبر صفحتها الرسمية بموقع تبادل الصور والفيديوهات "إنستجرام".
وعلقت عليها قائلة: "عاوزة بس أحكي موقف عن تامر حسني هو فعلًا مكدبش خبر أول ما عرف أن البنات ذاكروا علشانه وعلشان الفيديو اللي نزله يشجع فيه طلاب الثانوية العامة".
وأضافت: "أول ما المدرس بتاعهم قالهم إن كل الطلبة الأوائل في كل المواد هيجمعوهم ويعملوا حفلة كبيرة وتامر هيغني فيها ذاكروا وقفلوا المادة وطلعوا الأوائل.. يعني من الآخر كدة عمل اللي الأهل نفسهم معرفوش يعملوا بالفيديو ده .
وذكرت: "أول موقف حصل من تامر أنه أخد الفيديو بتاع مريم وملك نزله عنده وكتب كلام عنهم خلاهم مش مصدقين نفسهم وثاني موقف عمله أنه فضل مستنينا أكتر من ساعة من غير ولا جارد في عربيته في الشارع بعيد عن الزحمة علشان هو وعدهم أنه هيتصور معاهم".
وتابعت هاجر الشرنوبي: "شكرًا بجد يا تامر مش جديد عليك جدعنتك دي ومش مستغربة كمية حب الناس ليك والزحمة اللي قفلت إسكندرية كلها من ولاد صغيرين لشباب لناس كبيرة في السن، تستحق بجد أنك تكون نجم الجيل بأخلاقك واسلوبك وموهبتك الكبيرة أوي".
واختتمت كلامها قائلة :"شكرًا بجد أنك فرحتهم وفرحت ناس كتير أوي وشكرًا أنك أديتهم من طاقتك الإيجابية وخليت كل الطلبة اللي كانوا كتير أو ي النهاردة يذاكروا وشكرًا، بنحبك يا تاااامر".
