عمرو أديب عن سائق طريق السويس: «كان في كوكب تاني مبلبع حاجة»

عمرو أديب
عمرو أديب

عقب الإعلامي عمرو أديب، على واقعة سيارة طريق السويس، قائلا: "فيلم مصري شاب كان يقود سيارته بشكل قاتل، الناس كانت متابعة هذا الشاب القاتل على طريق السويس، كلنا قولنا الواد ده واخد إيه، شيىء مستفز".

وقال أديب، خلال برنامج "الحكاية" المذاع عبر فضائية "إم بي سي مصر"، مساء السبت، "السائق كان في كوكب تاني مبلبع حاجة.. لحد ما جت عربية نقل خبطته وكانت خبطة مهمة، وبردو موقفش، كان ممكن يقتل مجموعة من البشر النهاردة"، منوها بأنه كان هناك شخصين في السيارة الطائشة، مؤكدا أن المواد المخدرة التخليقية قاتلة.

وأضاف، ان واقعة سيارة طريق السويس درس للجميع بشان خطورة المواد المخدرة، معلقا: "كل المخدرات زي الزفت.. ولكن المخدرات التخليقية بتخلي الشخص في حالة هلوسة وضلالات، هو مش شايف السكة، وجايز يكون في جوة العربية بيضحك وبياكل وبيتفرج على فيديو".

وتابع، "خدوا بالكم.. المخدرات بتاعة زمان مبقتش موضة، ربنا كان رحيم بينا ومتقلبتش عربية، أو حد مات"، مشيدا ببيان النائب العام عن الواقعة، قائلا: "النيابة قامت بواجبها سريعا"، متوقعا وصول القضية للمحكمة سريعا..