علق الإعلامي عمرو أديب، على ما يتردد عن رعاية شركة الخطوط الجوية القطرية للنادي الأهلي، قائلاً: أنا مش بالع فكرة إن الأهلي يلبس شعار الخطوط القطرية، الموضوع مش ظريف ولا لطيف ولا خفيف.
وتابع الإعلامي عمرو أديب، خلال برنامج "الحكاية" والمذاع عبر قناة "إم بي سي مصر": عندنا في مصر رعاة كتير جدًا، الأهلي ممكن يختار منهم سواء شركات اتصالات أو جبنة أو عربيات، مجتش على الخطوط القطرية.
وأوضح عمرو أديب "اللهم صل على النبي الملاءة المالية للأهلي زي الفل، إيه سر اهتمام الخطوط القطرية إنها تبقى تيشيرت الأهلي، أكيد لأن الأهلي هو نادي الأغلبية المصرية".
وأكمل أديب، كل ما أقرأ الخبر ده يضايقني، فيه مليون حد مستعد يدفع دم قلبه علشان يتحط على تيشيرت الأهلي، جايز أكون أنا التافه الوحيد اللي في البلد اللي واقف عند الحتة دي لكني مش بالعها".
اقرأ أيضا | تعرف على تفاصيل مران الأهلي الصباحي
