أعربت الفنانة فريدة سيف النصر، عن غضبها من عدد كبير من الجمهور بسبب هجومهم على الفنانين، عبر مواقع التواصل الاجتماعي.
وكتبت فريدة سيف النصر عبر صفحتها بموقع التواصل الاجتماعي "فيسبوك"،: "أنا زعلانة علينا كلنا أوي، المصريين أحلى وأطيب وأجدع من كده بكتير، خفة دم وكرم وذوق، إيه اللي حصل؟ ليه بنستخبى ورا شاشات وننزل نحر رقاب بعض".
وأضافت سيف النصر،: "الكلمة القاسية بتذبح بقينا نكديين مانعرفش نفرق بين جد وهزار كله عايز يتخانق مع كله، إيه ده؟ وكل يوم يعاملوك بوش أو حسب المصلحة".
وتابعت فريدة سيف النصر،: "في إيه بعض الناس ماسكين الفنانين وكأن في تار بلا أسباب دي عجزت ودي كرمشت ودي غيرت دينها وده دمه تقيل وده كبر في السن لكن بيغني وده بيرقص كونغرو وده اتكسح ودي روحي موتي كفاية مالكم في إيه بجد هما الناس دي ماأسعدتكمش أعمالهم فترات من الزمن، طيب بلاش إنت مابتحبيش فلان غيرك بيحبه، في إيه يا جماعة تحسوا مخطط لهدم الفنانين، القوى الناعمة اللي فاتحين بيوت 14 مليون.. متخيلين".
وواصلت فريدة حديثها قائلة: "كل المهن شغالة معانا تحت إيديهم كام عامل وأسطى كل واحد فيهم عنده أهل وزوجة وأطفال وفي اللي جوز ولاده وعندهم بيوت مفتوحة، بتحاربوا تمن عدد البلد في أكل عيشهم".
واختتمت: "اقروا كدة المسلسل ببكتب ناس قد إيه عماله في العمل شوفوا وقولولي، كفاية هدد في الفن، الوحش انقدوه بأدب والكويس شجعوه، إنما تهزئوا فنانين كبار ليه يعني، على فكرة أنا عارفة إنها لجان مستهدفة الفن المصري والفن عموما ما هو العربي بيصب هنا، هاه قرروا إيه، هانشتم من ورا الشاشة ولا هنقول كلام نصح حلو يا باشا".
