حارس سموحة عن مشاجرته مع لاعب الأهلي: «لسه عيل صغير»

صورة أرشيفية
صورة أرشيفية
Advertisements

كشف حارس مرمى سموحة الهاني سليمان عن تفاصيل المشادة الكلامية التي وقعت بينه وبين لاعب النادي الأهلي محمد هاني خلال المباراة التي جمعت الفريقين وانتهت بفوز النادي السكندري بثلاثة أهداف مقابل هدفين.

اقرأ أيضًا: بالأسماء.. كمونة يكشف المقصرين من لاعبي الأهلي

وقال الهاني سليمان، حارس مرمى نادي سموحة، خلال مداخلة هاتفية ببرنامج "اللعيب" الذي يقدمه الإعلامي مهيب عبد الهادي بقناة mbc مصر "محمد هاني لسه عيل صغير، ولازم يبقى متضايق ومشدود ويكون غيران على فرقته".

وتابع: "حسام حسن في الهدف التاني فعلًا خبطني في كتفي ومكنتش بضيع وقت ومحمد هاني وقتها فكر إني بضيع وقت ومكنش ينفع يقومني بالطريقة اللى قومني بيها، وفضل يقول يلا قوم ألعب قوم ألعب، وأصلًا الحكم كان موقَّف اللعب علشان يرجع للفار".

وأضاف: "أنا مش زعلان من محمد هاني خالص، وهو زي أخويا الصغير ومفيش مشاكل بيني وبينه، وإحنا كنا بنلاعب النادي الأهلي وأحسن لاعيبة في مصر، ووضع طبيعي مينفعش الريتم يبقى سريع ولا نلعب مفتوح لأن الأهلي فرقة تقيلة ممكن ترجع في الماتش في أي وقت، وأنا كنت بلعب بشكل طبيعي".

وأكمل: "في الشوط الأول كان فيه التحامين ومفيش دكتور نزلي مرة واحدة ومضيعتش وقت خالص، وهدف الأهلي الثاني من خطأ واضح على حسام حسن، ومش فارق معايا هدفي الأهلي المهم خدنا الـ3 نقاط".

واختتم: "وقعت للنادي الأهلي مرتين قبل كده لكن الأمر لم ينتهِ بانتقالي للأهلي،  والاتحاد السكندري بيتي لكن عقدي مع سموحة مستمر للموسم المقبل".

Advertisements