وجه البلوجر أحمد عادل الشباب بضرورة إتباع نظام غذائي من أجل الوصول لجسم مثالى وقال المدرب المتخصص فى اللياقة البدنية والنحافة أحمد عادل: "كلامى للناس المبتدئة اللى نفسها تبدأ ومش عارفة تبدأ منين !! اللى نفسهم يظبطوا جسمهم ويظبطوا الأكل!! دايما فى فيديوهاتى بقول نمنع ٣ حجات هما السكر والعيش والمقليات هم دول سبب الكارثة فى حياتنا، ولما بنمنعهم بيحصل العكس نسبة السكر بتقل وبيبتدى جسمك يتخلص من الدهون الزيادة".
إقرأ أيضًا | «شعبة المخابز»: إنتاج الخبز من البطاطا مازال محل الدراسة
وأضاف عادل: "حاجة كمان مهمة جدا لازم أزود نسبة البروتين وآخد احتياجى من البروتين يوميا، البروتين حرفيا مهم بعد المياه والهوا لأنه مسئول عن تجديد كل خلايا الجسم، لازم يكون تفكيرى إنى بغير نظام حياتى للأفضل مش بس أخس وخلاص، لازم أبدأ أغير تفكيرى وأسلوب حياتى فى الأكل للأفضل وأتمرن برضه عشان صحتى ودا هينعكس مع الوقت على شكل جسمى وعلى صحتي، وأهم حاجة نبعد عن كلمة نفسى آكل ونحاول نركز فى أنا جسمى محتاج إيه، كلمة أخيرة للناس اللى عايزة تزيد فى الوزن ممكن نزود الرز والبطاطا والمكسرات حبتين وبرضه نتمرن عشان إحنا هدفنا جسم جامد مش وزن وخلاص".
