نشرت الفنانة عارفة عبد الرسول تعليقا عبر صفحتها الرسمية علي مواقع التواصل الاجتماعي " فيسبوك " ، تعتذر فيه عن هجومها علي أبطال مسرحية فضلت عدم ذكر اسمها .
و قالت " عارفة “: " أول مرة أروح مهرجان الجونة كان عن فيلم..عيار ناري...فوجئت إنى مسافره في البيزنس كلاس ونزلت لقيت عربيه فخمة في انتظاري ونزلت فى فندق شيك عبارة عن وحدات منفصلة مطلة على جنينة وبيسين والأود كلها والممرات شبه بعض وحوستى بقى عشان أسيب أودتى وأعرف أرجعها...إحساس فظيع بالوحدة ... روحت عرض الفيلم لأول مرة على الجمهور وكل المشاركين طلعوا المسرح اتصوروا و....فجأة هيصه وياللا ياجماعة ع الحفلة ...فيه عربيات مستنياكم...نادونى وركبونى عربية مع ناس ريحتهم حلوه والراجل نبيل جدا...ولما استوعبت عرفت إنى راكبة عربية مع الموسيقار...نبيل على ماهر والسيدة زوجته وأنا قاعده مكسوفة وهو خفف عنى وبقى يكلمنى وكأننا نعرف بعض من زمن....ده أول مكسب...دخلوا هما من باب وأنا دخلت من باب زحمة والكعب حايموتنى..حطوا جلدة فى إيدى ماعرفش ليه...الدنيا زحمه جوه وما عرفش حد،
ولمحت من بعيد نبيل على ماهر على ترابيزة كبيرة مع الأصدقاء...احتست وجنة من غير ناس ما تنداس..سلمت أمرى وقولت أروح وخصوصا إنى مسافره الصبح لبنان أدرب حكى...وأنا ماشيه مدلدلة كدة لقيت واحد فط من على الترابيزة وقالى تعالى يا ممثلة يا جميلة...المخرج عمر عبد العزيز...وقعدني على ترابيزته كلها رجاله من نفس العمر وقدامنا أطباق عليها مقرمشات وأنا جعانه قوى ومش عارفه امد إيدى ولا ما ينفعش...عرفني إن الجلده اللى ف إيدى عشان أخد مشروب مجاني قولتله طيب حاروح أجيب المشروب..
وده تانى مكسب.. لقيت زحمة مرعبة قررت أمشى خالص وأنا مش مبسوطة كان نفسى اتنطط وأضحك واحتفل ...راجعة من نفس الممر لقيت يسرا جاية قدامى الشباب اتلموا يتصوروا معاها وعملوا زحمة حطيت وشى فى الأرض وبأحاول اعدى من جنبهم لقيت اللى شدنى من إيدى وبتقولى ...إنت ممثله هايله.. فرحت ربنا يخليكى ياست يسرا أنا كده تمام مش عايزه حاجة... ودى كانت أهم مكسب " .
جدير بالذكر أن عارفة عبد الرسول قد شاركت خلال الفترة الأخيرة في تصوير مسلسل جديد ، يجمعها مع الفنانتين يسرا و نيللي كريم و هو " روز و ليلي " للمؤلف و المخرج إنجليزيين .
