مفروسة أوى

أمانى ضرغام
أمانى ضرغام

كانوا مجموعة من زملاء أولادى يتندرون كل واحد خسر كام فردة كاوتش ومين انكسر عنده ايه فى السيارة لمجرد أنهم جايين يزوروا زملاءهم فى مدينة الصحفيين! وسألنى أحدهم ساخراً هو جهاز القاهرة الجديدة بيحب الصحفيين ياطنط للدرجة دى؟! ورديت بكل أسى يابنى دى المحبة على آخرها والدليل أن هناك ماسورة مياه تقع أمام الباب الرئيسى وهى خاصة بكمبوند مواجه مكسورة فى باطن الأرض منذ ٤ سنين ولا يتم إصلاحها والناس كل شوية تجيب عربية رمل أو زلط وتردم عليها، ناهيكم عن الحفر والمطبات التى تملأ الشوارع المحيطة! ده حتى من كتر محبة جهاز القاهرة الجديدة فى الصحفيين رصفت نصف الشارع الرئيسى وتركت نصف الشارع المحيط بالمدينة والذى يستخدمه الصحفيون بلا رصف ومليء بالحفر والمطبات والمياه المسربة تحت الأرض!.. محبة محبة مفيش كلام !