كلام ياسر

ثورة مضادة فى بيتى

الدكتور ياسر العدل
الدكتور ياسر العدل

بقلم | الدكتور ياسر العدل

ثورة مضادة فى بيتى .. أم العيال الدكتورة مراتى غسلت أموالى .. عشرة جنيه بحالها، ورقة جديدة سيف بيقطع، كنت حاططها فى جيب القميص الأزرق .. وحين سألت أم العيال الدكتورة مراتى علي الحتة ام عشرة قالت: يقطعنى يا أخويا، سُهى عَلُى وغسلت القميص الأزرق باللى فيه .. يارب: اشكتي لمين حالى فى البلد دى؟ .. للأزهر، اللى بيقول إن طلاق الزوجات أبغض الحلال؟ .. أم للشرطة، اللى بتقول هات لنا دليل إن العشرة جنيه كانت بتاعك ومكتوبة بإسمك؟ .. أم للبنك المركزى اللى خلى قيمة العشرة جنيه ولا تسوى ربع جنيه؟