وجهت الفنانة كارولين عزمي، الشكر للنيابة العامة ووزارة الداخلية على سرعة الاستجابة والقبض على المتهم بالتحرش بها داخل سيارتها، حيث أعلنت الفنانة، ضبطه بعد ساعات من تعرضها للتحرش، قائلة: الحمد لله حقي رجعلي.. عايزة أشكر وزاره الداخلية والنيابة العامة على سرعة الاستجابة ووقفتهم.. شكرا إنكم مسكتو الشخص دا في نفس اليوم.
وطالبت كارولين؛ الفتيات المطالبة حقوقهن، قائلة: أحب أقول لكل البنات.. أي موقف تتعرضي له أوعى تسكتي.. واجهي ومتخافيش وحقك هيجيلك.. إحنا في بلد فيها قانون، نافية تنازلها عن حقها، موضحة: مع احترامي لزوجته وأولاده.. بس أنا مش هتنازل، وأتمنى يكون درس ليه وعبرة لغيره.
وكانت كارولين عزمي، قد وثقت واقعة التحرش أثناء قيادتها سيارتها، وكشفت تفاصيل الحادث بأكمله، مطالبة بحقها.
ونشرت كارولين عزمي مقطعي فيديو من الحادث على حسابها الشخصي بموقع تبادل الصور والفيديوهات إنستجرام، وكتبت معلقة عليها: مساء الخير، أنا اللي يعرفني أو متابعني عارف إني شخص مالوش في المشاكل، ولا عمري شاركت مشكلة تخصني سوشيال ميديا.
وأضافت: النهاردة كنت في عربيتي، وجنبي عربية فيها واحد كسر عليا.. كل اللي عملته إني بصيت له وبصيت قدامي، فلقيته بيكرر نفس الحركة تاني بـ استظراف.. روحت طلعت الموبايل وعملت نفسي بصور عشان أخوفه وأخليه يبطل يضايقني، اتفاجأت وهو بيقول لي بتصوريني يا بنت.. لفظ خادش.
