«محضر بلطجة واستعراض قوة».. إجراء جديد من فاتن موسى طليقة مصطفى فهمي

فاتن موسى ومصطفى فهمي
فاتن موسى ومصطفى فهمي

كشفت إيناس فوزي محامية الإعلامية اللبنانية فاتن موسى مستجدات حول أزمة طلاقها من الفنان مصطفى فهمي.

وقالت إيناس فوزي خلال اتصال مع برنامج "ET بالعربي": "إحنا في نيابة الدقي دلوقتي بنحرر محضر بلطجة واستعراض قوة وسيطرة علشان كانوا حابسين مدام فاتن في شقة الزوجية من بعد عصر يوم الأربعاء لغاية لما هي عملت استغاثة للنيابة على النت برسالة، وادولها رقم فحص وتحقيق واستنت إن حد يجيلها مفيش، وبعدها انهارت".

وأضافت: "كانوا مانعين عنها أي حاجة، على الساعة 10 بالليل يوم الخميس قلت لها اتصلي بالنجدة وأنا جيالك على أساس كل الناس بقت خايفة تجيلها حتى الحارس اللي كان بيحرسها خاف، وقعدوا يقولوا لها وقتك انتهى ومصطفى بيه الباشا بتاعنا يقدر ييجي في أي وقت حتى الفجر ده بيته وهو حر يعمل اللي هو عايزه. بعدها اتصلنا بالنجدة والنجدة جت وعاينت ولقت الراجل موجود قدام باب الشقة لزق والبواب بيحميه والأدوات اللي كان بيستعملها عصاية وسكينة بيخبوها في أوضة البواب وبيقولوا لها وقتك خلص".

وتابعت: "بسبب كلمة وقتك خلص قلت لها لازم تتصلي بالنجدة عشان تعمل لك حراسة، بعدها اتحرر محضر والبواب والبلطجي اتحبسوا وإحنا في النيابة علشان نبتدي تحقيق قضائي، وهما قالوا مصطفى باشا فهمي بيقول لنا إعملوا كده، إحنا بننفذ أوامر الباشا بتاعنا. ربنا هيجيب حقها علشان هما بيتعرضوا لها في نفسها وشرفها وبيهددوها بصور".

من ناحية أخرى، حرر الفنان مصطفى فهمي، بلاغاً ضد طليقته فاتن موسى، اتهمها فيه بالسب والقذف والتشهير.

وكانت طليقة الفنان مصطفى فهمي  قد دخلت مسكن عائلته في 10 نوفمبر الماضي، مع مجموعة من الأشخاص، بعدما كسروا أقفال الشقة، ما دفع  الفنان مصطفي فهمي للتقدم ببلاغ ضدها في المحضر الذى قيد برقم 6431 لسنة 2021 جنح الدقي.

وجاء فى البلاغ الذى حرره الفنان مصطفى فهمى، أنه علم أن طليقته تستولى على محتويات شقته، في حقائب وتخرج بها يوميًا، لمكان غير معلوم بحراسة أحد الاشخاص، الذي يقيم بأوامر منها أمام الشقة، بصفة مستديمة، وطلب في المحضر المحرر ضدها، بتعيين فرد أمن على شقته، لحراسة باقي محتوياتها.

وكانت أمرت النيابة العامة بشمال الجيزة بإخلاء سبيل حارس عقار وحارس أمن معين لحراسة شقة سكنية متنازع عليها، بين الفنان مصطفى فهمى وطليقته فاتن موسى، على خلفية اتهامهما بالشروع فى قتل الأخيرة.

واتهمت فاتن موسى حارس العقار الذى يتولى مسئولية حراسة العقار المتواجد فيه الشقة، وفرد الأمن المعين لحراسة محتوياتها، بالشروع فى قتلها والاعتداء عليها، بتحريض من الفنان مصطفى فهمى، وذلك أثناء محاولتها دخول الشقة بصحبة المحامية الخاصة بها، فتم تحرير محضر بالواقعة، وبالعرض على النيابة العامة، أصدرت قرارها السابق.

 

 

احمد جلال

جمال الشناوي