الرئيس السيسي لوزير الإسكان: «لسه بدري»

الرئيس السيسي
الرئيس السيسي

وجه الرئيس عبد الفتاح السيسي كلمة إلى الدكتور عاصم الجزار، وزير الإسكان والمرافق، قائلا: "بشكرك على العرض ده بس لسه بدري.. والناس اللي هتبقى عايشة في العشوائيات دي هتبقى رافضة كل شيء".

وأضاف الرئيس عبد الفتاح السيسي، خلال كلمته بافتتاح مشروعات سكنية بمدينة السادس من أكتوبر: "الناس متصورة أني بطرح القضايا دي عشان فيه هدف تاني.. والله ما في هدف غير إعادة تنظيم الدعم.. عشان نوفر بجد صح، ومتضيعش أموال ضخمة مش في الصح".

وتابع السيسي: "أنا أكل لقمة بكوباية شاي بس ولادي يمشوا هنا ويتحركوا في أمان وسلام ويبقى بكرة بتاعهم". 

وقال الرئيس عبد الفتاح السيسي، إن حجم التحدي الذي يواجه الدولة المصرية كبيرا، متابعا: "حد كان بيقولي أنت ليه مش فرحان رغم اللي بيتعمل في الدولة؟ أنا مش بشوف اللي اتعمل.. أنا بشوف اللي لسه هيتعمل.. اللي اتعمل خلاص".

وأضاف الرئيس السيسي: "بفكر المصريين عندما أطلقنا مشروع بناء المدن الجديدة بما فيها العاصمة الإدارية الجديدة، تم شن حملة على هذا المشروع هدفها التشكيك كالعادة وبث عدم الثقة كالعادة.. أو اللي مش فاهم وده قضيته معانا للتوعية وإننا نفهمه.. واللي بيشكك هيفضل يشكك".

وتابع الرئيس السيسي: "هل مازالتم شايفين إننا مهتمين بالطبقة المتوسطة والأغنياء ولا الكل؟!.. على مدى الست سبع سنوات الماضية.. إحنا ماشيين في برنامج.. أنا بحلم بـ3 مليون وحدة سكنية زي دول.. طب ده الـ3 ملايين يتكلفوا كام.. المليون وحدة بيتكلفوا من 500 مليار لـ600 مليار جنيه.. إحنا بنتكلم عن الإنشاء والمرافق ولا نحسب سعر الأرض".

وقال الرئيس السيسي: "اللي أنت شفتوه من بناء غير مخالف أو مناطق غير آمنة متكرر.. فيه ناس قالت علموا الناس كويس.. طب إزاي اعلمهم وهما عايشين كده.. ده شخصية رافضة كل شيء ومنعزلة عن كل شيء.. كل المؤسسات مزيد من البرامج لدمج الناس وإخراجهم منذ الواقع إلى الواقع الجديد".

يفتتح الرئيس عبد الفتاح السيسي أحد المشروعات القومية ومشروعات الإسكان "بديل المناطق غير الآمنة" بمنطقة سن العجوز بحدائق اكتوبر بمحافظة الجيزة ، اليوم السبت 16 أكتوبر 2021.

 

منطقة سن العجوز ضمن المناطق غير الآمنة والتي لها أولوية عاجلة لنقل مواطنيها وتوفير مساكن حضارية بديلة لهم بناءاً على تكليف الرئيس عبد الفتاح السيسي رئيس الجمهورية في هذا الشأن، مشيرا إلى أن صندوق تطوير المناطق العشوائية صنف تلك المنطقة بالغير آمنة.


مشروع الإسكان الإجتماعى ذو الطابع الحديث بمدينة حدائق أكتوبر الذي تم إقامته لصالح سكان منطقة سن العجوز كان  محل اهتمام ومتابعة من  الدكتور مصطفى مدبولى رئيس مجلس الوزراء والمقام علي أعلي مستوي ومزود بكافة الخدمات الأساسية والبنية التحتية لتسهيل سبل المعيشة لمواطني سن العجوز فضلاً عن تزويدها باحتياجات قاطنيها من القطاعات الصحية والتعليمية وكافة الوسائل المعيشية الأخرى.