أثارت إحدى صفحات جماهير الأهلي، الجدل بعد الزعم بطلاق محمد الشناوي، حارس الفريق ومنتخب مصر، وهو ما أثر على مستوى حارس المرمى الدولي خلال الفترة الماضية وفقا لجماهير المارد الأحمر.
وتداولت إحدى صفحات جماهير النادي الأهلي، قصة انفصال محمد الشناوي عن زوجته، قائلة: «لسة عارفين دلوقتي أن الشناوي مطلق من 3 شهور ومراته اتكتب كتابها النهاردة بعد ما خلصت شهور العدة».
وتابعت الصفحة: «أنا كنت متأكد مليون في المية أن الشناوي في كل لحظة غلط فيها مكنش استهتار أو تكبر لكن مكنتش فاهم فيه إيه، والأيام بتعدي وبترد علينا أهو وبنفهم بعد فترة مش كبيرة أسباب تراجع الشناوي وعدم تركيزه للحظات، ومع كل دا كان عارف يقف على رجليه ومحدش حس أوي بالظروف اللي بيمر بيها».
وأضافت الصفحة التابعة لجماهير الأهلي: «حكاية تاني جديدة بتضاف من ضمن قصص الشناوي اللي تتعمل في كتاب بعد ما يخلص كورة ويبقى إلهام لأي حد عايز ينجح وأن الفشل بداية النجاح».
كما تداول مقطع فيديو لمنة عصام، برفقة رجل آخر، ويظهر الحبر على أصابعهما، مشيرين إلى إنها لقطات من عقد قرانها عقب انفصالها عن محمد الشناوي.
وكان محمد الشناوي قد عقد قرانه على منة عصام في 2010، في حفل كبير داخل أحد فنادق القاهرة الجديدة، بحضور نجوم الأهلي، وأحيا الحفل حينها النجم محمد حماقي.
