اختيار المنتج البنكي المناسب ليك عملية مش صعبة بس محتاجة تركيز عشان تقدر تحقق أكتر استفادة ممكنة منه، وده طبعاً بيختلف من شخص للتاني. يعني مفيش منتج واحد احسن من الباقي أو مناسب لكل الناس، عشان كده فيه كذا نقطة لازم تتأكد منها قبل ما تختار المنتج اللي محتاجه.
الكريدت كارد:
- اعرف حدك الائتماني
في معظم البنوك هتلاقي الكريدت كارد متقسم لفئات زي الفضية والذهبية والبلاتينيوم، واختيارك ليهم بيكون حسب الحد الائتماني بتاعك يسمحلك بمبلغ قد ايه وده بيترتب عليه نوع أو فئة البطاقة، ادخل علي فلتر فايدتي عشان تختصر النقطة دي.
- فترة السماح قد ايه؟
فترة السماح هي الفترة اللي بتسدد فيها القسط أو المبلغ اللي عليك قبل ما يتحسب عليه فوايد، ودي بتكون من 48 لـ 58 يوم في معظم البنوك. عشان كده لازم تاخد بالك من فترة السماح كويس وتختار اللي تناسب الفترة اللي ناوي تسدد فيها بدل ما تتفاجئ بالفايدة على الفلوس بسبب يوم.
- سعر الفايدة
لو سددت فعلاً في معادك مظبوط مش هتدفع فوايد على بطاقة الائتمان لكن لازم تعمل حسابها من باب الاحتياط، وكمان اعمل حساب مصاريف الإصدار اللي هتدفعها أول مرة وانت بتستلم الكريدت كارد و مصاريف التجديد اللي هتدفعها كل 4 سنين.
- المزايا
أي كريدت كارد بتقدر تجمع نقط/ Bonus Points، على كل استخدام ليه، لكن طريقة حساب النقط دي بتختلف من بطاقة لبطاقة، يعني مثلاً فيه أنواع بتحسب لك كل جنيه بتصرفه بنقطة، و انواع تانيه ممكن الـ 3 جنيه تبقي بنقطة عشان كده دور كويس عشان تلاقي أحسن نظام في حساب النقط، بس السؤال الأهم هو:
ياترى بتحب الشوبينج أكتر ولا السفر؟
حسب اجابتك على السؤال ده هتقدر تختار بطاقة الائتمان اللي بتقدملك مزايا أحسن، لأن أغلب البنوك عندهم نظام تبديل النقط ب 3 اختيارات، هي:
كاش باك
قسائم شراء
أميال للسفر
قدم دلوقتي علي الكريدت كارد اللي محتاجه مع فايدتي في دقايق من مكانك.
القرض الشخصي:
- القسط: اختار القسط اللي ميزنقش كل شهر، فحدد ميزانيتك واعرف هتقدر تزود عليها قد إيه من الأول.
- المصاريف الإدارية:
المصاريف الإدارية بتتخصم من مبلغ القرض نفسه، فلازم تلاقي البنك صاحب أقل مبلغ للمصاريف دي.
- نوع الفايدة:
القروض ليها نوعين لسعر الفايدة، الثابت والمتناقص، والاتنين بيعبروا عن نفس مبلغ الفايدة لكن بطريقة حساب مختلفة، كل اللي محتاجه انك تحسبها من بدري أي طريقة هتكون أسهل لك.
- قارن بين الأوراق المطلوبة:
كل بنك بيطلب أوراق مختلفة عن التاني وده اكيد هيأثر على قرارك، وعشان كده شوف البنك اللي بيطلب أوراق معاك معظمها على الأقل أو مش هيخليك تلف كتير، وأسهل طريقة تقارن بيها انك تشوف تفاصيل كل قرض و الأوراق المطلوبة فيه على الويب سايت بتاعنا.
- دور على البنوك اللي عامله قروض مخصوصة لوظيفتك:
لو انت دكتور، مهندس أو صاحب أي عمل مهني فـ هتلاقي بنوك عندها قروض مخصوصة ليك بفايدة أقل أو بأنظمة سداد مختلفة أو ممكن تبقى من غير مصاريف ادارية مثلاً وكل ده أكيد في مصلحتك.
في نقطة تختصر عليك كل الاقتراحات اللي فوق والمشاوير للبنك، هي انك بسهولة تدخل على حاسبة القروض الشخصية فايدتي، دخل بياناتك ودور على اللي محتاجه عندنا وقدم في دقايق ببلاش.
قرض العربيات:
القرض ده ما بيختلفش عن القروض الشخصية غير أن العربية اللي بتشتريها بيه بتكون هي نفسها ضمان البنك للقرض، وفي بنوك بتقبل العربيات القديمة والجديدة ماعدا بعض البنوك اللي بترفض بعض أنواع العربيات الصيني.
قبل ماتقدم على قرض عربية قارن بين البنوك المختلفة على موقع فايدتي من مكانك.
