شهرزاد

وزير المرأة ونصيرها

د.‬رانيا‭ ‬يحيى
د.‬رانيا‭ ‬يحيى

بقلم‭:‬ د.‬رانيا‭ ‬يحيى

طبعا يا بختنا، ومين أدنا ستات وبنات مصر أما نلاقى اللى بيدافع عننا وعن حقوقنا هو رئيس الجمهورية، عارفين يعنى إيه؟! يعنى أعلى قيادة فى الدولة،يعنى تغيير فى المفاهيم، وتغيير فى السياسات وتغيير فى ثقافة الشعب بشكل غير مباشر،يعنى كمان إن الستات والبنات النهاردة مسنودة!! مسنودة بحب وعطف ورعاية، والحقيقة دا اللى بيفرق عن أى وقت قبل كدا. لأن فى فترات سابقة كان فى اهتمام بملف المرأة، بس طبعا مش بالشكل اللى حاصل دلوقتى خالص، وكان فى بعض جهود قامت بيها الدولة، لكن برضه مش زى النقلة الكبيرة اللى حصلت على كل مستويات التمكين.

أحلى حاجة بتبسطنى وأكيد بتبسط أى بنت وست فى مصر إنها حاسة بالأمان،وكلمة أمان بتفرق كتير أوى مع الستات اللى دايما بيدوروا عليه فى حياتهم من الطفولة للكهولة، دلوقتى أصبح السيد الرئيس هو مصدر الأمان لكل ست وبنت فى مصر،أخدت حقها أو عايزة تاخده، عارفة إن بيساندها أب راعى ومسئول عن رعيته، أب دعم بالقوانين والتشريعات، أب ساند ولاده علشان يتعلموا ويشتغلوا ويوصلوا لأعلى المناصب،أب بيشجع ويطور ويغير نظرة مجتمع كانت بتبص للبنت إنها أقل من الولد، وبيشوفوا البنات إنها الطرف الأضعف من المعادلة،لكن النهاردة وبدعم الريس البنت بقت حاسة إنها فى دولة حمياها ومحافظة عليها، ولو أهلها قصروا الدولة مش هتقصر.

اطمنوا وافرحوا يا بنات عندنا رئيس وزير للمرأة ونصيرها.. أعتقد الرسالة وصلت يا رجالة وكله ياخد باله ويعمل ألف حساب للستات من هنا وجاى. وتسلم وتعيش يا ريس.

 

 
 
 

احمد جلال

محمد البهنساوي