فى عشق مصر

اهل مصر يعشقونها بجنون، ومهما تعددت عليها الأعادى فإنها شامخة بحفظ الله وجنودها خير اجناد الارض، وشعبها الابى. وفى عشق مصر وصلتنى رسالة تحمل خواطر شعرية من القارئ العزيز الدكتور عصام الغنام من قرية طوخ الاقلام بمحافظة الدقهلية. يقول: نعم، الوطن قطعة منا بل صار جزءا من جيناتنا الوراثية، فإن متنا عدنا إلى ترابه ليحيا ولكن إن مات الوطن فلا وجود لنا ولو كنا أحياء.
وبحبك زى ما انتى
وبحبك مهما كنتى
واللى يقوله الأعادى
إتعودناه وعادى
مايقلل حُبِّى سَنْتِى
بحبك لابسه تولِّلى
وبحبك لابسه خيش
وبحبك باشاميللي
وبحبك هرس عيش
بحبك (خد عيونى)
وبحبك(لأ مافيش)
حبى للدنيا فانى
ولمصر ماينتهيش
هاتقولِّلى ليه دا كله
هاتلاقى ميت جواب
فيه حد بيكره أُمه
حتى لو كوم تراب
جدى ومعاه أبويا
علمنى حبها
ورسم لى ع الخريطة
كام سكة لقلبها
والسكة الواحدة فيها
للقلب ألف باب
دعاء: اللهم احفظ مصر وشعبها العظيم.