قال الإعلامى دكتور عمرو الليثي ببرنامجه خط الخير على راديو مصر، "إن من قلب المعاناة بيولد الأمل ومن قلب المرض تولد الرحمة ومساعد الناس والإحساس بيهم ده غير كمان العزيمة والإصرار بعد الصدمة وهذا ما جعل نورا يحيي تتعامل مع مرض العضم الزجاجى والضمور العضلات كأنه هدية جميلة من رب العالمين".
و تابع الليثي، "نورا مصابة بضمور وهشاشة بالعظام نتيجة زواج الأقارب على الرغم من كدة حاولت تتعلم لحد ما أخدت بكالوريوس التجارة وكمان بدأت تتعلم العمل بمجال التطريز والأشغال اليدوية، وبدأت تدخل منافذ البيع بالمشغولات اليدوية اللى قدرت تصممها بطريقة جميلة وإمكانيات بسيطة، وبدأت تدرب كل الفتيات والشباب فى القرية علشان تفتح لهم باب رزق على الرغم من إعاقتها، وكمان عملت كتير من الشباب القرية ومحت أميتهم".
