بعد مسلسل١٠٠ وش..إسلام إبراهيم لكاملة أبو ذكري:" شكرا أنك صدقتي موهبتي"

 الفنان الكوميدي إسلام إبراهيم
الفنان الكوميدي إسلام إبراهيم

 

نشر الفنان الكوميدي إسلام إبراهيم رسالة عبر صفحته الشخصية على موقع التواصل الاجتماعي فيسبوك للمخرجة كاملة أبو ذكري.

وقال"مش عارف ابدا منين .. بس شكرا علي كل حاجة شكرا انك امنتي بيا وبموهبتي واتمسكتي بيا في بداية المسلسل رغم صعوبة ظروفي ومقولتيش ده هيعطلني فبلاش منه".

وأضاف "شكرا انك كنت في ضهري في كل مشهد عملته سواء كوميدي ولا تراجيدي وخليتي الناس تشوفني بشكل مختلف".

وتابع "شكرا انك امينة على كل ممثل في العمل كأنه بطل العمل مفيش فرق بين نجم وأي ممثل تاني كلهم سواسية كلهم بيتعاملوا بشكل لطيف طالما بيحترموا شغلهم ومواعيدهم شكرا انك عمرك ماقفلتي بابك في وش اي ممثل بيناقشك في اي تفصيله تخص دوره حتي في عز ما انتي مضغوطة ومشغولة.


واستطرد "شكرا انك انقذتي شغفي وحبي للمهنة في الوقت المناسب وخلتيني اشتغل وانا مغمض واركز في دوري .. شكرا كامله ابو ذكري مصر كلها بتشكرك علي السعادة اللي زرعتيها في كل بيت رغم الظروف الصعبة اللي احنا فيها".  

 


ترشيحاتنا