بالصور| كارثة تهدد سكان طوخ.. ومواطنون: ما بنشوفش رئيس المدينة 

 كارثة القمامة تهدد سكان طوخ
كارثة القمامة تهدد سكان طوخ

شكا عدد من المواطنين بمدينة طوخ، من عدم إزالة القمامة من أمام محول كهرباء، في شارع الاتحاد الاشتراكي أمام برج الرحمة على بعد أمتار قليلة من مكتب رئيس مجلس المدينة خالد جمعة.


 وقال إبراهيم – أحد سكان طوخ: "إحنا مفيش حد بيعبرنا، الزبالة دي بقالها أكثر من ٣ أيام وعفنت ومليانة حشرات وباعوض وذباب، وامبارح نائب رئيس المجلس سمير عمر كان معدي من أمام الزبالة دي وما اتحركش، اشتكيت ردوا عليا وقالوا عربيات المجلس معطلة.. طب إزاي عربيات مركز كبير متعطلة كلها!"

 


بدورها، ذكرت ناهد: "ده محول كهرباء وجنبه زبالة بتقعد بالأيام مش بتتشال وإحنا في فصل الصيف ومع الحرارة والزبالة المحول ده بيصبح قنبلة موقوتة وممكن ينفجر في أي لحظة، يا حضرات في فيروس كورونا في مصر ومجلس مدينة طوخ عاجز كده أدام الزبالة والنضافة!!! طب إزاي، كما ده أهم شارع في طوخ ومفهوش ولا سلة زبالة.. الرئيس الجديد للمجلس سمعنا خبر تعيينه وما شوفنهوش أصلا رغم مرور فترة على تعيينه".

 


 بدوره صب "أشرف"، جام غضبه على مجلس مدينة طوخ، قائلا: "هل يعقل إن في شخص متولي منصب رئيس مدينة طوخ ورئيس مدينة بنها كمان رغم إنهم بعيدين عن بعض مكانيا والأغرب أنه تولى منصب السكرتير المساعد لمحافظ القليوبية.. طب هيلاقي وقت منين إنه يتابع كل ده، إحنا بنطالب المحافظ ووزير التنمية المحلية بحل قبل ما القنبلة الموقوتة تنفجر، في حلول زي نقل المحول لكن لا حياة لمن تنادي".

 

 

 

 

 


 

3

احمد جلال

جمال الشناوي